Kak sam još furt na godišnjem (doduše još jako sitno brojim do povratka na posel), tak sam ja prošli tjedan išel Patriciji na roditeljski sastanak h školu. I ono kaj sam prošli tjedan napisal za knjigu Likovna umjetnost 2 sam pital Patricijinu razrednicu da kaj smo sad s tim. Ona mi nič nije znala reči. Jer ne zna za to. Sad zna. A na Internet stranicama škole dan danas stoji popis knjiga s tom knjigom!!!

Najgorše od svega je bilo to kaj su me zebrali h viječe roditelja. Kaj to je ne znam, ali znam koga bum pital za to. I nije mi jasno zakaj baš mene? Kaj sam im ja kriv? A meni bilo neugodno odbiti ljude pa sam pristal. Sama škola, mislim na zgradu, se nije preveč zmenila od doba kad sam ja tam hodil. Malo je sporihtana, h predvorju več ne vesiju slike 7 sekretara SKOJ-a, nastava tjelesnog je i dalje h jednoj učionici. Sve u svemu malo kozmetike, a nimalo pravih zahvata.

Gracia se odlično privadila na vrtič. Jedino kaj joj se hjutro nekak neda ostati h vrtiču, ali joj se kad dojdem po nju nekak nejde doma. Išla je i Sandra par put z menom po Graciu i jako joj se dopalo tam. Pa se dogovorila s tetama da bu pod praznikima ostala malo tam z Graciom i mam njima pomogla se malo igrati z drugom decom. I odlučila je da bu ona kad bu velika teta h vrtiču. Z Graciom joj dobro ide. Zna ju preslječi, rit oprati kad se pokaka, more ju i cjelu skupati i uspavati.

Morti se nešči zmisli da sam na prolječe pisal kak sam hižu pomalal. Se je to ljepo zgledalo dok Gracia nije počela „pis, pis“ po zidovima. Prilično zanimljivo je uzeti „pisu“ i „pis, pis“po zidovima, stolovima, televizoru,… Dobro je dok to dela s bojicama. Patricija i Sandra su čarale po zidovima s vodenim bojicama, pastelama, temperama, flomasterima.

Muka mi je. Od same pomisli na ponedjeljak. Treba iti delat. Nije nikakef problem h poslu. Nije mi muka od posla. Na poslu se još se da zbaviti. Kad sam to počel delati znal sam kakef je posel i sad se nemam kaj buniti. Samo bilo bi dobro da nam država počne opet plačati prekovremene sate. Ili kad ih se več ne plača, da me onda ne mečeju delat prekovremeno. Muka mi je kad se zmislim da bum h pondeljek hjutro sel h cug. I vuru vremena se peljal do Zagreba.

Još na kraju da vam velim da sam sprobal se kaj sam pospravil za zimnicu. S obzirom da sam uspel napisati ovu kolumnu vidljivo je da je se kaj sam pospravil jestivo.