H ponedeljak je bil dan D. Poklopilo se da su Patricija i Sandra taj dan krenule h školu, a Gracia h vrtič. Zapraf ne h vrtič nego h jaslice. Patricija mi nekak ne zgledi preveč zadovoljna. Gdo zna kaj je ona očekivala. Valjda bu kad se malo ušalta se to leglo na svoje mesto. I odma problemi h školi. Ne valja jedna knjiga kaj sam joj kupil za školu. I meni je bilo malo čudno kak njoj za prvi srednje treba knjiga „Likovna umjetnost 2“. A ljepo sam h školi na upisima pital za popis knjiga. I rekli su mi da se more skinuti na internetu na web stranicama ministarstva. Skinul sam taj popis, sprintal si ga, zel sam h knjižari narudžbenicu i po tom popisu naručil knjige.

Normalno da među ponuđenim knjigama za prvi razred srednje škole nije bilo Likovne umjetnosti 2. Nego Likovna umjetnost 1. Još sam z rukom nadopisal da trebam Likovnu umjetnost 2, kak je pisalo na popisu. Niti onim ženskama h knjižari nije bilo to jasno, ali one su primile narudžbu tak kak sam ja štel naručiti. Prošli tjedan sam prešel h knjižaru po knjige i kupil skoro se kaj je deci trebalo. Za Patriciju nisu došle još 2 knjige. To bu valjda of tjedan rješeno. Da bi h utorak došla Patricija doma z škole i rekla da knjiga Likovna umjetnost 2 njoj ne treba, nego da treba Likovnu umjetnost 1. Sad mene zanima gdo je tu zajebo stvar. Of tjedan je roditeljski pa bum ja malo pital nekoga za zdravlje.

Za razliku od Patricije Sandra je vesela školi. Denes si je napisala na kompjuter i sprintala naljepnice za knjige. Prije sam joj to ja delal, a ove godine sam joj samo pokazal kak i ona je sve dalje sama napravila. Večinu knjiga je omotala, a ostale su joj samo one za koje se nisu mogli omoti najti. Kad nema dvije knjige istih dimenzija. Moglo bi ministarstvo i veličinu knjiga propisati. Da imaju jedinstven format.

Sad sam se zmislil i najskuplje knjige koja je u ponudi knjižare gde sam kupil knjige. Moral sam ju kupiti za Patriciju. A izgleda ko obična bilježnica sa spiralim uvezom.

Gracia se odlično snašla h jaslicama. Ima dosta zanimljivih igrački, društvo trenutno baš i ne doživljava, ali niti ženu i mene dok još hodimo ž njom na privikavanje. Uspeli smo denes žena i ja prejti i na kavu i veliju tete da se nije niti jemput zaplakala. Tak da valjda od drugog tjedna bu počela normalno hoditi h jaslice. A dece h jaslicama ima sikakve. Denes je mali Luka (mislim da se tak zove) došel do mene, kak su tete bile zauzete s decom tera su cendrala i stisnul se k meni. Pa je onda zdigel ruke i moral sam ga prijeti i poigrati se ž njim.

Trenutno su u toku su i pripreme za berbu. Naši vinogradari hodiju po trsjima, glediju, sprobavaju, meriju. Neki drugi zadovoljno trljaju ruke. Jer im posel sad naveliko ide. Riječ je o trgovicima teri cukor prodaju.