Još prošli tjedan sam jedno jutro dok sam Graciu peljal h vrtič videl da rušiju kuglanu. I kolko sam videl dosta teško im ide. Onaj beton je pun željeza. Jer su negda h armirani beton i željezo metali. A ne ko denes kaj deneju jenu šipku malo betona h terome je cement u tragovima i onda kad se se zruši se čudiju kak.

Nevezano uz to kak se negda gradilo zmislil sam se nečeg drugog. Vremena tero sam gore provel. Kolko sam se gore zabavljal, i kolke sam gore noči i noči ostavil. Kolko sam samo puc gore upoznal… Najbolju od svih žena nisam gore upoznal, ali mi je gore pomutila ovo malo sive tvari kaj mi je h glavi. Gore smo postali dečko i puca, i prvi put se kušnuli.

Par sto ljet su Turci pokušavali okupirati ljepu našu. Razni sultani su slali vojske i vojske da okupiraju Hrvatsku, ali to im nigdar nije uspelo. Furt smo se nekak obranili od njih. Onda su došla modernija vremena i Turčini nas više nisu hbijali sa sabljama i kopljima, nego sa šleperima, kamionima i običnim autima. H doba bivše države ste h novinama skoro saki dan mogli pročitati da je državljan Turske s njih još 12 u opel asconi izazvao sudar u kojem je poginulo nekoliko ljudi. Kad su videli da smo otporni i na sablje, i na kolce, i na ascone, taunuse i stare merdže, rabe i tatre odlučili su se za drukčiji pristup.

Prvo su nas odlučili uništiti gospodarski. Počeli su s tekstilom. Još tam devedesetih. I od velike količine jeftine turske robe propala je naša tekstilna industrija. H to doba su hrpe agenata kaj su ih Turčini vrbovali da hodiju k njima po majce, košulje, hlače i te druge stvari koje su im davali skoro zabadaf, pa su ih ti isti tuj pri nama jeftino prodavali. Sljedeči korak je bil da hništiju naš turizam. Samo nama za inat napravili su pune hotela, velikih, ljepih s tam nekakvih 4 i 5 zvezdica, ol inkluziv, bazeni, saune, pješčane plaže, barovi,… I kaj se počelo događati? Pri nama je se manje turistof. Jer ideju h Tursku.

Vrhunac turske okupacije je mentalna okupacija. Velika večina ljudi se spomina samo o toj nekakvoj turskoj seriji na televizoru. Nije ljudima bitno e buju zutra imeli za kruh ili ne, ali je bitno kaj se hčera dogodilo h epizodi i kaj bu hvečer bilo. Ja još nisam pogledal niti jednu epizodu i nebum. Strah me da i mene ne zeme če teru epizodu pogledam.