Ak ste mislili nakon kaj ste naslov pročitali da bum pak nekaj o politiki pisal onda ste se zaje….. Je da bi naslov pasal na nekakef tekst o trenutnoj dnevno političkoj situaciji, ali denes nem o tome. Ono na kaj mislim, to jest na kaj sam pomislil kad sam napisal naslov, ali i prije toga je vrijeme. Ostalo mi je ispred hiže još malo trave za pokositi i komad živice za poštucati, a i one čemprese kaj su mi tam uz put prema garaži bi isto tak mogel poštucati. Če se praf primim posla to sam napravil za cirka vuru vremena. Ali nikak da me vrijeme posluži.

H nedelju (jedini dan kad sam doma i kad nejdem na posel h Zagreb) je bilo ljepo vrijeme. Ali gdo je videl h nedelju delati nekaj vani. Nedjelja je dan kad se počiva. Of tjedan delam popoldan i mislil sam si da bi h ponedeljak hjutro mogel to se napraviti. Čim si ja se priredim normalno je da kiša curi vani. Kišu nikak ne volim. Niti jesen. Bar ne ovu kasnu jesen. Hjutro se zbudim da idem na posel mrak je. Kad dojdem doma s posla mrak je. I tak sam osuđen biti v hiži. Kaj bum vani delal po mraku?

Po ljetu bar čovek more zeti djete i hvečer prejti ž nju h park. Ili bilo kam drugam. A sad če je jen dan i ljepo vrijeme se jedno nemrem s detetom nikam. Če prejdemo h park sve one sprave su mokre, moker je i šuder i klupice i trava. Čim snjeg opadne mam mi je ljepše. Deca se moreju sanjkati, grudati, delati snjegoviča. I meni je to se skupa ljepo se dok ne dojde vrijeme da moram z autom nekam iti. A oni teri trebaju čistiti snjeg i teri su za to dobili peneze to ne delaju. Bar ne tam gde ja živim. Zato sam si još prije par ljet kupil veliku lopatu i još furt mi dobro služi.

Več sam napisal da of tjedan delam popoldan. I dojdem ja h pondeljek na posel, a tam si nikakvi. Ono kao na sve djeluje loše vrijeme. Pa me pita jedan poznati advokat kak to da sam tak dobre volje. (inače sam furt dobre volje) velim ja njemu kak i nebi bil. Vani kiša curi, a ja sam na poslu. Grdo mi je kad je kiša, a ja sam doma. Ili obrnuto. Kad je ljepo vrijeme, a ja sam na poslu.

I h utorak je hjutro bilo ljepo vrijeme i uspel sam se kaj sam gore nabrojil napraviti. Pokosil sam travu i rješil i živicu i čemprese. Nije baš da sam imel neku preveliku volju, ali sam to napravil. Sad mi je još ostalo da počistim podrum. Teoretski gledano to nije nikakef problem. Največi dio stvari kaj su tam nametane je h črnim vrečama. Jednostavno samo treba to zeti i deti h kantu. Ali je problem kaj se neke vreče nesmeju hititi. A tere su to? To nišči ne zna. Zapraf zna moja žena koja je te vreče i natrpala, ali nikak da najdemo vremena za to. Pa bum napravil najpametnešu stvar. Zel bum veliki komad najlona i to pokril i delal se ko da toga tam nema. I problem riješen.