Ovi moderni kauboji i dalje prosvjeduju. A meni i dalje neke stvari nisu jasne. Ne paše im cijena teru dobiju za mljeko. Ali ga i dalje daju na otkup i po nižoj cijeni. Daju im 2,43 kune za liter. A h dučanu se več more kupiti i za 4,5 kune. Ja ga kupujem jako puno i kupujem ga po 5 kuna za liter. I to trajno.

Po toj računici mljekari dobiju več penez za mljeko nego prerađivači i trgovci. Jer treba znati da na otkupnu cjenu mljekari još dobiju i 50 lipa poticaja po litri mljeka. Dobiju još i poticaj za svako grlo stoke. Ali furt postoji nekakvo ali. Kolko mljeka prerađivači napraviju od litre kaj kupiju od kauboja? Kolko se h mljeko dene vode i kojekakvih raznih stvari? Kaj nam zapraf prodajeju pod mljeko? E se more naš kauboj meriti s europskim? Zel bum samo za primjer kamate na kredite. Dok europski kauboji imaju kamate između 2 i 3 posto, naši imaju i po 10 posto kamate na kredit. A kolko samo ima takvih stvari?

Ja te mljekare u neku ruku i razmem. Kakef oni imaju život. Saki dan se moraju zdiči rano hjutro i iti h štalu. Treba krave nahraniti, napojiti, podojiti, počistiti im, otpeljati mljeko na otkup. Veči dio njih ima i nekakve njive, pa trebaju i na njima delati. Nije baš neki život da bi se štel ž njimi mjenjati. I normalno da im ljepše imeti piknik negde. Dopeljaju im se kaj im treba. Vidim na televiziji da imaju dosta drva, da si ljepo kuriju, pečeju meseko na vatrici, pijuckaju. A babe i deca doma naj delaju.

A kolko to se skupa košta? Ljudi se nemreju voziti kud se inače voziju nego moraju iti nekim obilaznim cestama. Tam se potroši več goriva. Treba se i raneše krenuti da bi stigli na vrijeme. Na svaki punkt poslane su i policijske patrole. Da bi se svi puktovi pokrili policija mora delati i prekovremeno. A prekovremene treba platiti. Gdo bu to platil? Si oni teri puniju proračun. I skoro si vi teri ovo čitate. Platili bute kak god da obrnete. Če se nastaviju prosvjedi se več i več bu prekovremenih vur policije. Če mljekari dobiju od preređivača veču cjenu onda buju zdigli cjenu mljeka. I gdo bu to opet platil? Kak sam i napisal si mi bumo to platili kak god da se obrne.