Kad sam del ovakef naslov nisam mislil na trenutnu situaciju kod večine stanovnika Hrvatske, nego sam prošli tjedan videl jednu od udarnih vijesti u medijima. I pomislil sam kak su pojedini mediji zapravo jadni. A uz to i bijedni. A vijest je bila kak je naša nova vlast za članicu nadzornog odbora u Hrvatskim autocestama postavila nekakvu žensku kaj je bila nekakva missica prije par ljet. I uz tekst slika ženske h badekostimu. H naslovu piše da je „komad“. Komad čega? U tekstu se onak usput spominje i da je magistrica i da sprema doktorat. I to je udarna vijest. Za naslovnicu.

Kaj dalje moremo očekivati od takvih medija? Linića h kupačim gačama? Ili pusičku h badekostimu? Za nju ne znam kak zgleda h badekostimu, no oblječena je nejdi k meni. I onda kad takva dojde nekam h evropu i predstavlja nas kaj si ljudi moreju misliti o nama? I gdo bi nas ozbiljno shvačal?

Ili si probajte zamisliti da uz ovaj tekst stoji moja slika h kupačim gačama.

Na stranu sad badekostimi i kupače gače. Kak u zadnje vrijeme se več hodim oko doktora i na preglede razne vidim na licu mjesta kak funkcionira to zdravstvo. Prvo mi nije jasno zakaj se se to uopče zove Ministarstvo zdravlja. Kad nič nije zdravo. E ih trebate kad ste zdravi? Ne. Kad to trebate? Kad ste betežni. Zakaj se to onda ne zove Ministarstvo bolesti? Jer em ih trebate zbog bolesti, a vidi mi se da je i taj sustav naveliko betežen.

Evo dva friška primjera. Prošli tjedan sam išel na neke preglede i kak je i red čekam i čekam. Da bi nakon nekog vremena i skužil zakaj čekam. Zato jer jedna sestra dela h tri različite sobe i dela tri različita pregleda. I normalno da se napravila gužva. Isto prošli tjedan je najbolja od svih žena krenula k ginekologu. Ne nije trudna ak ste to mislili. Štela je iti na pregled.

Liječnik/ca kod koje žena ima karton dela jemput tjedno h domu zdravlja. I to popodne, kaj je zapraf dobro za one teri ko moja žena delaju stalno hjutro. I dojde žena nakon posla tam h čekaonicu, ali kad je ona došla sestra joj je rekla da se več ne primaju knjižice. Da treba dojti oko podneva če hočete bilo kaj zbaviti. I kaj joj ostaje? Ili da si zeme jedan dan godišnjeg, na teroga još nema pravo ili da prejde k privatniku i ljepo to plati.

I onda bu nešči rekel da je h tom ministarstvu nekaj zdravo.