Ženski djel familije planira izlazak za vikend. Drugim riječima si osim mene. Dobro, Gracia ne sudjeluje u tome jer se nju još nič ne pita. Niti Sandru nič ne pitaju jer je za vikend nema doma. Ide s Društvom naša deca h Pulu na smotru. Pa ispada da se za izlazak dogovaraju najbolja od svih žena i Patricija.

Nekakef koncert je, pa bi dete štelo ostati i dulje od 11, do kolko ju inače puštamo van. A do 11 ju puštamo zato jer tak piše h zakonu. A če smo mi ž njom vani onda more i dulje biti. One su skoro se splanirale. Jedino kaj nisu računale da ja of tjedan delam popoldan i da dojdem s posla h pol 24. Ili morti jesu? Nemrem si ni zamisliti kakav bi to bil naš zajednički izlazak.

Čak si niti nemam kaj oblječi za rock koncert. Lako je ženi. Ona more oblječi Patricijine stvari. A kaj sam ja? Da razmislim. Bum spodrapal jedne stare traperice. Črnu majcu imam. Ali nemam nikakve pogodne cipele. Niti tenisice. Se kaj imam se ne uklapa u to. Ili ipak imam? Mislim da još pri kljeti imam stare vojničke čižme kaj su mi od rata ostale. Imam i staru kožnu jaknu, ali nije baš rokerska. To znači otpada. Da bar nije tak zima vani. Bi čovek prešel samo h majci. Če dojdem normalno oblječen kak idem recimo na posel bum se preveč istical. A, bum nekaj več zmislil.

E, a sad malo o majmunima iz naslova. Stara istočnjačka slikovna poslovica prikazuje tri majmuna od kojih jedan ima pokrita usta, drugi oči, a trejti vuha. To odprilike znači da ne pripovedaju zlo, da ga ne čujeju i ne vidiju. Samim tim zla nema. Ima i pri nas ljudi teri su tu majmunsku filozofiju prihvatili i dobro razradili. Skoro do savršenstva. A se to prateči moderne trendove. A sad je u modi, skoro pa h sim dučanima da kupiš dva dobiš tri, pa tri plus jedan gratis, pa platiš jedan i dobiš još jedan,…

Tak su i majmunima porasle akcije pa danas pri nami imamo majmuna tri u jedan, plus jedan gratis. Sad vam sigurno nič nije jasno. Kakvi sad majmuni tri u jedan? Jednostavno. Imamo majmune teri su pokrili i oči i usta i vuha. Nič ne vidiju, nič ne čujeju i nič ne povedaju. To vam je tri u jedan. A onaj jedan gratis je da si i nos pokrije da ne čuje če se nekaj čuje. I da se zna ja sam milil na majmune h terom god hočete smislu te riječi, a če se nešči h tome pronašel je njegov problem.