Prethodna kolumna
Slijedeća kolumna

Dnevnik tate Bena: Kuc-kuc

Piše: Tomislav Benčić
Kaj da vam velim? Gracia nas iz dana u dan se več i več iznenadi. Evo h nedelju, dok sam ja preše

Kaj da vam velim? Gracia nas iz dana u dan se več i več iznenadi. Evo h nedelju, dok sam ja prešel na utakmicu, žena je z Graciom prešla malo van. Bilo je ljepo vrijeme i bilo bi šteta to ne iskoristiti. I kad su žena i Gracia došle doma Gracia je zaspala. I žena ju je ostavila spati na našem krevetu. I h neko doba je žena nekaj delala po kuhnji, a ja sam h dnevnoj sobi zvadil laptop i metal rezultate na zagorjekom (piši : www.zagorje.com).

Čujem ja h jednom času kuc-kuc. Ali ne da nešči kuca na ulaznim vratima, nego negde po hiži. Sandra je bila vani, Patricija je bila vani. Gracia spi. Bar sam ja tak mislil. Kad ono opet kuc-kuc. Z naše spavače sobe. Skup smo žena i ja krenuli prema sobi, kad ono opet kuc-kuc. Pomalo smo otprli vrata, a tam Gracia kuca po vratima. Inače more ona sama otprjeti vrata, ali ovaj put nije neg je samo kucala.

Kad smo več pri kuc-kuc to dela i poštar kad dojde. Po meni bi bilo bolje da ne dolazi. Tak i onak mi nosi samo račune. I opomene da nisam platil račune. Koje mi obično dojdeju za one račune tere sam platil. Dobro, donese mi poštar i hrpu raznih kataloga, kaj mi dobro dojdeju na zahodu. Ali samo za prelistavanje. Za nekaj drugo nisu pogodni jer se obično štampaju na onom masnom papiru teri baš i nije za ono, znate na kaj mislim.

Tu i tam mi poštar donese pismo h terom piše da sam dobil pune penez ili ljetovanje na Havajima ili Tahitiju, ili novi auto, jahtu ili spejs šatl. A da bi to dobil samo trebam dojti na večeru h neku bertiju, tera je zabadaf (večera je zabadaf, a ne bertija) i tam poslušati kaj bu nešči pripovedal i kupiti superultramotodeluxturbospecial njihov proizvod teri dojde par hiljada penez. I če to kupim postoji mogučnost da dobim one maloprije spomenute peneze, ljetovanja, aute,…, a osim toga od toga bum živel 150 ljet, nigdar nem betežen i još buju mi penezi z neba cureli.

Jedino ne razmem zakaj još nigdar nisam prešel na takvu večeru. Da sam prešel na saku tu večeru za teru sam pismo dobil do zdaj bi pri hiži imel rajngleke kaj sami kuhaju, peglu tera sama pegla, veš mašinu tera ne treba ni prašak, ni omekšivač, ni vodu ni veš, šparhet kaj ne troši ni struju, ni plin, ni drva, auto teri ide na zrak i komplet gedora. Da se ne opterečujem s tim kaj sam več mogel imeti, ali i da mi več ne dolaziju računi najbolje bi bilo da otkažem prijem pošte.

Zbog kuc-kuc h zadnje vrijeme pune ljudi ne spi baš najbolje. Samo čakaju e bu kuc-kuc i na njihovim vratima.

Facebook