Prethodna kolumna
Slijedeća kolumna

Za dušu, za spomenek: Za moje dobre

Piše: Nevenka Gregurić

Bože moj kak čez cielje življenje furt poslušam kak nešče diela nekaj za moje dobre. Nu ne die



Bože moj kak čez cielje življenje furt poslušam kak nešče diela nekaj za moje dobre. Nu ne diela se tuj same o mene nek o ljudem slične mene teri muku mučiju kak preživeti se zloče tere čoveka pritiščeju. Furt se nešče kakti brine o tomu kak nam bu bolje če posluhneme i ščekneme se za svoj žep h terem se menje zvoni. Uveravaju nas hnogi h one kaj i sami ne veruju i vodiju nas, reklji bi ljudi, ženje prek vode. A za kaj? Po njihovem, za moje dobre. Čuje se i mrguvanje ove dane da nam onie teri dielaju za naše dobre, kažeju mesec h vode i misliju da njim verujeme. A vere je med ljudmi se menje. Veruvati je denes nekomu teške. A kak i bi? Kak veruvati nekomu teri te uverava da se kaj diela diela za tvoje dobre, a na glave ima škrljak tak skupi kaj ga ni tri radničke plače nej otplatile. Kak moreš veruvati oniem teri te žmičeju do zajdnje kapljice, mečeju ti štempljin na želudec, a da se njihove mešine treseju kaj barlci natočeni z finu pijaču. Kak da onie, teri nema ni becikljina veruje onomu teri kre njega prejuri z ljimuzinu, a on mu ju je pomogel kupiti. Teške je denes veruvati več bilje kaj i bilje komu. Odnavieka su „malji“ ljudi veruvalji „veljikem“ teri su delalji za njihove dobre i poklje takve ljiepe vere poseknulji su se se niže i niže. Posmeknulji su se tak niske kaj več niti nie hdola za daljnje sanjkanje. Sanjkanje je zgotovljene, a kaljuža je došla do brade. Triebalje bu i snage i volje da se z toga dola i kaljuže čovek pribere i počne pentrati prema bregu.

Malje si gruntam ove dane o tomu kaj se oko mene događa. Da je dobre, nie. Žalost me pritišče ne več tuljike za mene nek za moju decu, za svoje đake pred teremi je življenje. Kaj njim reči, kaj njim obečati, a da znaš da govoriš istinu. I da mi veruju.

I dok si tak gruntam, zmislila sem se svojuga detinjstva i detinjstva svoje pajdaše. Dobre se siečam gda sme se, moji starci i ja, odselilji od babice i dedeka h svoju hižicu. Mala hižica, alji naša. K tomu i h dvorišču mala štaljica napravljena od kolja i koruznice. Gda je bila zima mati je kravicu peljala k susedem h pravu štalu kaj se nej h naše, od koruznice, zmrzla. Znala sem več put videti mater gda je škricem fertuna brisala suze, alji niesem unda znala za kaj. Denes znam. Bilje je je teške, jer je menjkalje dinare z terei se bi išlje h dučan. Unda te niesem znala. rada sem bila pri svoje hiže, alji mi je pune toga faljelje kaj je bilje pri dedeku. I gda me je dedek pital kak je h naše hižice, rekla sem da je se dobre, same se mama pokvarila.

„Znaš“, rekla sem jemput dedeku,“od gda sme se odseljilji mama je pozabila kuhati. Furt kuha same žgance, župu, ruljenu kašicu. Jieme i mljike z žganci, alji nutre ne meče cukar. Mene ti tak ne velja, jesti. Nu mama velji da je te za moje dobre“.

„Jie sinek, jie. Te ti je hranjive i zdrave. Od te košte buš rasla. Takva košta je za tvoje dobre,“znala je reči mati. Te me je fejst srdilje kaj je rekla za moje dobre. Kak je ona znala kaj je za moje dobre, gda mene od toga nič nie veljaje. Gda sme bilji pri dedeku senek se znal najti čez tjeden kakef čvrčkec za pojesti, jajčeke na se felje, a mi sme svoje jajce nosilji h dučan. I unda mi je još mati rekla da jih ne jieme za moje dobre kaj me nej boljel trbuh od njih. Bila sem huda kak te kaj je za moje dobre mene nie dobre. Nu, već put sem senek veruvala svoje matere jer je i ona z menu jiela kaj i ja, radi svojuga dobra. Znalje se je dogoditi da sme h večer prešle spat, rane i bez večere. Znala je reči da morame brze iti h postelju i nesmeme se najesti kaj nas nej ponoči tiskalje h trbuhu i boljel želuček. Zabadve sem se bune, jer je ona rekla da je te za moje dobre. Denes znam za kaj je tak diela. Dielala je tak jer niesme imelji, pak me je z tem varala, alji me uvierila. Veruvala sem ja njoj radi toga kaj je ona skup z menu jiela ilji preskočila“hranjivu“ koštu. Gda je bilje na tenieru malje nečega unda je rekla da je se ne jie i da si same ja pojiem. Znalje mi je biti čudne, kak je se ne jie, a znala sem da je natiešče. Če sem ja kaj ostavila, poklje je pojiela jer je rekla da bi bila kaštiga hititi te kaj je ostalje h cienjak.

Cajti su se zmenilji i još pune toga. Negda sem veruvala svoje mame da se kaj je dielala dielala je za moje dobre i z menu deljila jendak se zloče Nu, denes baš ne verujem onem teri dielaju nekaj, za moje dobre.

Facebook

Opasnost je od naleta na predmet na kolniku na autocesti A1 Zagreb-Split-Ploče na 255. km između čvorova ZADAR II i ZADAR I u smjeru Zagreba. Vozi se uz ograničenje brzine 80 km/h.  Zbog prometne nesreće na autocesti A5 na 72.+200 km između...

 
iz valute
u valutu

Tečajna lista služi isključivo u informativne svrhe i podliježe promjeni bez prethodne najave. Zagorje.com ne može jamčiti točnost tečajne liste koju koristi konverter. Prije provođenja stvarnih transakcija potrebno je provjeriti trenutni tečaj kod službene ustanove. Tečajna lista dohvaćena je prema online podacima Hrvatske narodne banke.

mojtv.hr - kompletan tv program