Dobre jutre!

Na tom Novom ljetu

želim vam sve dobro

na ovome svetu!

Zdravlje,

sreču i veselje

to su moga srca želje.

Milost božja

sve vam dala

da vam sreča

svud procvala

kao ruža u prolječe!

Bog prosvietlji

vaše duše.

Vaše duše

da zasluže

život vječni,

život novi

pun radosti i sreče!

Živelji!

Negda, na same Nove ljete gda su pajdaši išlji k pajdašem ilji familjija k familjie zaželjelji su srečne Nove ljete z sakojačkemi četitkami. Jena od te je i ta teru sem napisala. Započela je z dobre jutre, dober dan ilji dober večer, h teru se dobu došlje fižu. Pozabljene su te čestitke i denes veljeju nektere druge, nu one niesu poviedane z rječjami. Največ se h čestitare ide z vrečicami i sakejački čački, a oni bi triebalji povedati čestitku meste rieči. Onie teri nemju kaj h vriečku deti, radi nove šege nejrejši nejdu nikam i držiju se doma. Kak su grdi cajti tak unda prepada šega da jedni drugem idem h čestitare. Bez vriečic ideš same tam gde dobre znaš da ti ne nišče zameril i da je največi dar kaj si h nekteru hižu došel. Čestitka ostaje na rječja z srčeka i tak se unda h srčeke i trieba prijeti. Moji jargani i ja, sme h ljieta da sme si triebalji nekaj h življenju prskrbeti, pak unda zaželjime jedni drugem da h Novem ljetu imame same zdravljiče.

Tak sem ja svojemu bratiču Miljeku, mudrijašu kak i ja,ha,ha,ha, zaželjila na lanjske Nove ljete same zdrvljiče. On se same mudre nasmejal i rekel:

„Sestrič,“ kak me od milje zove. „Se ti je te h redu kaj veljiš. Zdravljiče nam trieba. Nu na brodu Titaniku su ti imelji i zdravljiče i penez, alji niesu imelji sreče. Radi toga trieba čoveku zaželjeti same sreču. Gda imaš sreče unda ide i se druge“!

Nasmejala sem se ja njemu i njegve povede, gruntala i praf za praf je točne kaj mi je povedal.

Čovek, če ima zdravljiče ima i sreču. O peneze ne govorim jer oni baš i ne donašaju sreču. Istina i bog bez njih nie moči živeti. Alji ni za njimi nie trieba biti preveč lakoten. Lakotnost se plača jer ljudi unda nemreju najti meru nek same slažeju h moderne štunfe tuljike kaj z štunfe ide van. Gda ide van drugi vidiju i unda se mam popitava kaj si ti delal kaj imaš preveč kaj z štunfe ne stane. More se unda dogovoriti da si do penezi došel radi „duge“ prste. A radi duge prste završiš h bajbuku.

Unda vam je bolje biti srečen z maljemi stvari i ne preveč z punem pobelarem. Radi toga vam h Novem ljetu prve željim sreču, a unda bu se za tem došle. Položare več h ranu jutarku več duge nie, pak unda vam same ja veljim:

SREČNE VAM NOVE LJETE