Šte rane rani, dvije sreče grabi. Je, tuo ti je tak, sinek, gda si prvi, niš ti nemre vujti i se predi napraviš nek oni šteri ze vlečeju kak megla i šterumu trebaju tri vure da prst pomekne. A dej si rezmisli, če si na noga več vu pol šest kaj se moreš napraviti duo uosme vure gda se nešteri digneju i gda oni kavu piju, ti se več muoraš iti počivat jer si se več nadelal kak i saki pošteni čovek, govorila je naša hraščinska baka Ivka.

Tko rano rani - prvi doručkuje ?!, zadirkivali smo staricu

„ Same ti z mene bedaka dijielaj (smijeh)... Je, istina je šte se prvi digne da i prvi froštukljuje, tuo se razme...Ali ake se digneš rane, znači i da buš neke korisnoga napravil vu te rane vure i da se neš same rastezal kak maček i čez obluk brojil vrapce. A zake nešteri ljudi imaju više, a drugi, vu istomu selu i z istijem gruntom, menje, tuo te ja ve pitam ?! (nemamo odgovor)

„ Zate kaj si saki dan kupiju bar vuru ili dvije više vremena. Raneše se stanu i onda su furt vu prednosti : A tuo  se vu jenomu danu tak ne pozna, ali se prebira po meseci i lijieta i onda se prema vun prikaže. Jer ljenčina bu teške neke napravil vu životi i tuo je same velika sreča če takof uspeje, a on šteri je rani i dober radnik da prepane. Tuo muora biti vražja sreča i nije neke na koj bi se mogli pozivati kak da je zapovijiedane „, uporna je bila baka. A tko prvi, njegova djevojka...

Što je s tim ?

„ Živa istina. Če je puca fajna i fljetna mam se budu k nje šteli prišmajhlati mnuogi dečki. A šteri bu prvi i zna kak se tuo dijiela, te bu je i prvi k srcu prirasel i drugi se onda moru fučkati. A negdar se dijiela o minuta, ne o vurami i dani. Zate se posla treba mam prijeti kak pijani posla, kak na mekote,  tak i na šiftu ili pri babe „, savjetovala je baka.