„ Je, Valentinove dečke nije smel zabiti i pucu je muoral z nečim lijiepim iznenaditi. Nije se išle na skupe večerje i kupovale zlatne rinjčece i lanceke, nek se pucam vu črljeni paperek zamotal cukor (bombon), čukulada ili kakvi rupček. Če je dečke bil bogatijieši, onda je rupček bil od svile, a i puca bi onda znala dobiti i svilnu rubaču, sviter, pleteni šal ili kapuček „, govorila bi starica. A što su cure davale dečkima, zanimalo nas je.

„ Puca nijiesu daruvale dečke, nek bi ga, če je zavrijiedil i dar bi dober, kušnula vu lice ili pak vu vusnice, če su več duge skupa. Kaj bi mene tatek rekel da sam ga presila koji dinar da darujem dečke, bi me špuotal. Dečeci, moja brača, su bolje prolazili i dobivali bi neke penez da svoje ljubavi kupe kakvu sitnu stvar da ga puca lepe gledi „, smijala bi se baka. Ispitivali smo baku što je za nju ljubav i dobili smo vrlo zanimljive odgovore.

„ Znaš kaj je ljubaf ? Ljubaf ti je križ z medom namazan: med poližeš, a križ ti ostane zanavijiek (smijeh).Je, kaj si ti mislil da da te bu zaljubljenost furt držala. Bu vraga... Tuo ne znači da babu ili muža šterega zemeš, oženiš, nemaš rada, ali tuo ti je onda drugač. Više ga ne glediš kaka prvi mesec da ti se oči treperiju i kolijiena klecaju. Ve ga pogladiš po glave i kušneš, tuo ne zabiti, jer ljubaf bez kušuvanja je kak kruh bez soli ili curnjava bez grmljavine. Svojega dragoga ili dragu ne smeš zabiti ni grliti i stisnuti se k nje ili k njemu v noči gda vune veter zapuše i snijieg zavieje. Po letu ga (ju) privneš k sebe da te oladi, vu vuletje da te zbudi, a vu jesen da te raspoloži „, savjetovala je baka i dodala da se zaljubljeni čudno ponašaju.

„ Prvi dan ljubavi je zadnji dan mudrosti. Jer gda nekoga imaš rada, se bi za njega napravil i ne vidiš njegve mane.  A gda ljubaf prejde, onda ti ostanu same mane. Tuo ti je on križ šterega si polizal i ve ti je jezik suh. Same oni šteri su preveč slijiepi gda se zaljubiju, pokle se kajaju kaj nijiesu na vrijieme pregledali. Ali tuo ti je život, nemreš si pomoči. Jer gda ljubav govori, pamet muči „, izustila bi baka i obukla najljepšu košulju jer je na Velntinovo slavila rođendan.