Da je zaljubljenost prolazna pojava i da nam nakon leptirića u trbuhu i začaranih pogleda slijedi dugogodišnja i ponekad surova realnost, prosvijetlila nas je naša hraščinska baka Ivka, pučka „mudrica“.

„ Meni je pokuojna mati navijiek govorila : Sinek, prve štalica, onda kravica. Tuo znači da si prve muoraš prestrti de si buš legel i da prije nek se ženiš, muoraš razmisliti kam buš babu dopeljal. Jer gda si mlad i najdeš si nekoga šteroga za istinu vuoleješ, ne misliš, onak zateleban vu njega ili vu nju, kaj bute jeli i gde si bute legli ili gde bute decu podigali. Same tuo ti je kak i lijiepi film na televizije, sleperaj šteri kratke traje, a onda se vrneš vu of svijet i kak da te je nešči z muokru krpu po glave vudril „, govorila bi baka. Znači li to da oni koji nemaju kuću i stan da se ne trebaju se ženiti, pitamo staricu.

„ Ni slučajne, same mladijinec i mladijienka nemrjeju z tatekom i materju spati vu iste sobe (smijeh). Dečke muora bar imeti svoju sobu za prvu ruku. A če nije najstareše dijiete pri hiži i če vu hiži nije placa, muora se mam rihtati vun i nekakvu si štalicu ili hižicu, kak očeš, napraviti. Znaš da sam ja tvojega deda zela gda je bil dovec z truoje druobne dečice. Hiža vu koju sam došla imijela je same tri prostorije : vu sredine kuhnju i dvije sobe; vu jene je bil muoj muž z decu, a vu druge njegov brat z babu šteri je imel još više dece. E, tuo ti je bil život gda si muoral čakati z rajnglicu da buš došel na red za skuhati si juhu. Je, mi sme mam krenuli delat si hižicu vu dvorišču, jer je šuogor bil starejši i red je bila da je on z familiju ostal na ognjišču. Kamijenje sme vu pečine kopali i dime ga na truge vojzili za fundament, a drijeva – rastovinu, sme imeli vu šume. I male po male, digli sme hižu, vu prizemlju z dvije pelnice, a na katu je bila kuhnja, špajza i jena soba „ prisjećala se starica gradnje kuće od prije 60 – ak godina. Trebaju li mladi živjeti sa roditeljima, nismo dali baki mira.

„ Če se dobre slažu svekrva i sneha, zakej ne? Same če ti duojdeš vu hižu, a svekrva ti precijienja kaj buš dijiela v zube, kaj buš rekla, pazi kaj buš napravila i da buš neke pogrijišila da skoči na te kak jastreb na druobnu piščetku, tu nema sreče. Dečke, vezda mladi muž, žejnsku treba zeti vu zaštitu pred materju i ocem, makar i mladi stvor neke napravi ili veli krive i muora proubati starce udobrovuoljiti i dopovedati im da muoraju poštivati njegvu ženu. Če tuo nikak nejde, sin treba jasne reči ocu i matere, da ake moru da mu pomoreju da se sam skuči i čim predi prejti z hiži, kak got tuo starcom teške pale, ili se muora sam trsiti za svuoj krov nad glavu. Čuj, a biti zet ti je posebna štorija. Tuo ti bum rekla drugi put... „ bila je dobro raspoložena baka govoreći o ljudskim odnosima u kući gdje živi više generacija.