Prošli tjedan se svašta moglo čuti i pročitati. Prvo kaj sam čul je bila jezikova juha od žene. Dobil sam ju čim je pročitala kolumnu od prošlog tjedna. I sve mi se vidi da če bum ju nastavil spominjati da bum moral novu tavicu kupiti. Jer bu staru htrgla na meni. Ili meklu, ili rajnglu, zavisi kaj bu joj prvo pod ruku došlo. A s obzirom da je kriza bolje je ne izazivati i potruditi se da sve doma kaj je cjelo takvo i ostane. Jer gdo bu kupil novo pogotovo sad kad su nam smanjili plače. Zbog manjih plača vučitelji i doktori i sestre su rekli da buju pak štrajkali. Znači da nebu škole. Mislim bu škole, ali nebu nastave. Buju deca vesela jer buju imeli praznike. Ali jedino znam da mi ih je pun ku… i da moja deca peju h školu do 10. 6. i gotovo. Neju išle na nikakve nadoknade zbog njihovih spreseravanja, kak je več bil slučaj da su deca morala iti h školu pod praznikima.

Morti ja ne razmem sve teškoče koje vučitelji imaju na svojem poslu. Ali znam da ne delaju dva meseca po ljetu, i da imaju zimske praznike i praznike za Vuzem. I sve im je to plačeno. A kad delaju delaju od 8 hjutro pa sve do negdje jedan, pol dva. Sve skupa 5 i pol, ma ajde nek bude i 6 vur efektivnog rada dnevno. Tih pol vure na dan sam nahitil jer tu i tam imaju neke kontrolne za ispraviti pa da ih ne fkanim za to. Doma su saku subotu i nedelju. Svaki svetek i svaki praznik. Naravno, vučitelji se pravdaju kak nije njim samo posel ono kaj decu vučiju h školi neg se za to trebaju i pripremiti. Slažem se. Ali prirediš se jemput i to ti ostane za cijeli radni vijek. H matematiki je tablica množenja furt ista. Ne mjenja se svakih 5 ljet. I v hrvatskom je imenica imenica, a glagol glagol. I h prirodi je rijeka ono h čemu voda teče od izvora do ušča. Nebu za par ljet teklo kontra. I h povjesti se zna kad je na primjer počel Drugi svjetski rat. I to se ne zmenilo. Ima i predmeta koji se mjenjaju. Recimo zemljopis, to jest geografija. Tu učitelji imaju puno toga za zmeniti. Zamislite samo kak im je bilo kad se raspal Sovjetski savez. Ili bivša eseferjot. I ti učitelji imaju velikih problema. Kak da deci objasniju ge je granica između Hrvatske i Slovenije, a da ne izazoveju međunarodni incident.