Nakon početne hajke zbog neradnih nedjelja malo po malo se sve to stišava. Uspeli smo se navaditi da si ono kaj nam treba za nedelju kupimo raneše, a kruh si moremo i h nedelju kupiti jer pekare h nedelju delaju. Zahvaljujući dragome Bogu, ovu nedelju kaj je iza nas nismo ni friškoga kruha imeli, če si ga nismo sami spekli. I za divno čudo, preživeli smo. Nikome se nič nije dogodilo kaj nič (no dobro, skoro nič) nije delalo. Znači ipak se more zbaviti da h nedelju nič ne dela.

Jedini teri to nemreju zbaviti su jadni turisti o terima više ne ovisi samo moja plača ko državnog službenika nametnika, nego i moje radno mesto, veli naš dr. Ivo. Spustili se jadni turisti s kruzera i nemreju v šoping. To bu hništilo naš turizam. Zato kaj si h dučanu nemreju kupiti sendvič od frtaljke i spiti pivu ispred dučana iz protesta nečeju iti h restorane jest i pit.

I ja kad prejdem na more nejdem po tim restoranima jest i pit iz protesta. Jer protestiram kaj obični bečki košta duplit več neg tu negdje pri nama h restoranu, a jemput je manji. I kaj nemreš spiti butelju ispod 200 kuna.

A o uređenosti tih navodnih restorana nem trošil preveč riječi. Jako je malo onih teri moreju delati i kad je grdo vrijeme. Jer h zaprtom imaju samo kuhinju, šank i eventualno dva stola. Sve ostalo je terasa s 5 vrsta stolaca i par vrsti stolova. Takvih je največ. Onda je puno manje onih teri na terasi imaju sve stolce i stole iste. A najmanje je onih teri imaju klasičnu salu s nekoliko stolova i svim kaj nutra treba biti. A restoran s nekakvu mužiku najti je ko dobiti na lotu. Naravno se to ovisi kolko gdje ima poduzetnih ljudi.

Na sreču ja baš nisam preveliki ljubitelj mora. Nije ni najbolja od svih žena, a nisu niti deca. Deca veliju da je njima ljepše na bazenima. Voda je topla, nema kamenja, nema ribica ni rakova, nema morskih travi, meduza, nema pjeska kaj ti zajde h gače i na bazenima je se kaj ti treba blizu. Deci osim vode, tobogana i sličnih stvari uz bazen treba još sladoled i sok i sve je to mam tu uz bazen. I ne moram pol hiže seliti. Ko kad idem na more. Nigdar ne znaš kaj ti more zatrebati, i e se to tam negdje more kupiti. Pa nek se to onda vozi h autu. A kad idem na bazene h jen ruksak denem ručnike, h drugoga se drugo i za par minut sam tam gdje deci paše.

I mislim si kak bi našim dragim turistima bilo da dučani ni za vrijeme takozvane turističke sezone ne delaju. Zamislite kak bi bilo Janezu da h subotu za večeru pojede zadnju paštetu!

Ja i nisam neki turistički stručnjak, ali mi se čini da dok god mi imamo turističku sezonu od jednog određenog datuma do drugog nemo imeli turizam. Tek kad odgovorni poduzmu korake da turistička sezona počne za Novo ljeto, a završi na staro, onda moremo govoriti da smo turistička zemlja.