Danas je teško zamisliti život bez kompjutora i sega kaj se na kompjutoru more delati. Kak smo mi negda ko mala deca bežali van igrati se, tak denešnja deca vesiju na kompjuteru. Pri meni h familiji samo najmlajša pucka ne pokazuje želju za kompjuterom. Nije ni čudo kad ima jedva 3 meseca. Ona srednja več naveliko vesi na njemu. To se igraju igrice na internetu, pa malo na „fejs“, pa je počela i blog pisati. Najstareša bi s kompjuterom i na zahod išla. Ona je več h sedmom razredu i zna skoro se na kompjutoru napraviti. Na „fejsu“ je več dugo. Blogova ima nekoliko. Na sakom napiše par postova, pa otpre novoga. Tu je i „msn“. Uz to našla je neke knjige i vježbe za photoshop i krenula je to malo proučavati i sad već more brže od mene neke stvari napraviti.

Čak i kad bi štel decu hmeknuti od kompjutora nemrem to napraviti. Jer po novim školskim programima uz skoro saku knjigu dojde i CD ili DVD. Mojoj deci i večini dece to nije problem. Si več skoro imaju kompjutore. Če nemaju deca baš svojega imaju nekakvoga pri hiži. Ali ima i dece tera doma nemaju nikakvoga. Kaj je ž njimi? Morti bi naše lokalne vlasti mogle pogledati kak su to h Osijeku napravili i deci kupiti laptope. Samo kaj me strah da če se bi to i dogodilo da bi dober dijel dece teri sad nemaju kompjutore i opet ostali bež njih. Jer kaj se h Osijeku dogodilo. Nakon kaj su deca dobila laptope odjedamput je cijeli oglasnik bil pun oglasa da se prodajeju laptopi. Ipak poznavajuči naše lokalne vlasti teško da se bu tak nekaj ikad dogodilo. Posebno če se več sad ne događa, a taki buju izbori.

Da se vrnem ja h svoje dvorišće. I moja žena dost vremena provodi za kompjuterom. Sad kad je rodila ne stigne tolko, ali dok je bila trudna nisi ju mogel hmeknuti od kompjutora. Male se je igrala, a male je i iskala po forumima i na drugim mestima kojekaj o trudnoči, o deci, o ovome i onome. Čak si je i blog napravila. I bolje da ga nisam čital. Znate kak me zove na blogu? Normalno da ne. Na njezinom blogu ja sam „m“. Malo slovo „m“. Ko da sam neki mali muž. A ja komad muža od 125 kila. I ona mene nazove malo „m“. Je me nije mogla nazvati veliko „M“. A znate zakaj?. Ne znate ni to. Zato jer je veliko „M“ oznaka za one dane u mjesecu.