Več sam pune put pisal kak naša država ima odličnu pronatalitetnu politiku. Se od knjiga za školu, dječjeg doplatka i velikih porodiljnih i roditeljskih naknada. Da se držim te politike i da očekujem nekaj od države nekaj bi držal cjelo vrijeme h gačama. Osim kad bi išel pišat. Sad si vi mislite na kaj sam pak naletel.

Pa evo ukratko. Patricija se na početku škole požalila da ne vidi dobro na ploču. I prejde žena s njom k okulistu i tam utvrdiju da ima dioptriju jen i pol i da treba nositi naočale. Usput dobi žena i doznake da ih na socijalu potvrdi, pa se buju nekaj jeftineše dobile naočale i stakla. I tak je moje djete u sklopu svehrvatske pronatalitetne politike dobila veliki popust na naočale. I to i na okvire i na stakla. Dobila je 24 kune (riječima: dvajstčetri kune) popust na okvir, i po 25 kuna (čitaj: dvajspet kuna) popust na svako staklo. Se skupa 74 kune.

Kak je Patricija več neko vrijeme h pubertetu i kak zna reči ovo mi je ljepo, a ovo nije, tak je rekla i kakve bi naočale štela. I najde žena takve okvire za nekih 400-500 kuna. Uz okvire za skompletirati naočale trebaju i stakla. Nemremo sad detetu zeti najobičneša stakla nego ona kaj imaju bar zaštitu za gledeti h monitore od kompjutera. Te su malo skuplješe i daju se najti za nekih 200-300 kuna. Po komadu, normalno. Sad kakve je naočale zebrala bum videl drugi tjedan kad buju gotove.

Gracia ima več 4 zuba. Dva gore i dva dole. A več dole zbija još njih van. Još malo i imela bu ih več neg ja. Viroza nam je prešla i opet smo zdravi.

Ali su opet nastali problemi s knjigama za školu. Sandri nisam kupil knjigu za vjeronauk jer smo našli Patricijinu. Knjiga se isto zove kak i ona kaj je na popisu. Isti su autori i isti je izdavač. I ista je samo prva stranica h knjigi, dok ostale nisu. Baš me zanima kaj se to zmenilo h vjeronauku unatrag tri ljet. Ili h matematiki? Ili zakaj treba nova čitanka iz hrvatskog? I zakaj je se to skuplješe nego kad sam zadnji put kupoval to prije tri ljete?

Odgovor je vrlo jednostavan. Zemi tam gde se more zeti. Nebu valjda državna vlast zela ovima teri imaju penez. Njima zemeju kad treba izbore financirati. A za sve ostalo tu je narod. A da se na deci najlakše služi nije zmislila ova naša vlast, jer se to odavno zna. Saki roditelj bu za svoje dete se dal i kupil kaj god treba.

Da iznenađenjima nikad kraja vidim i na željeznici. Nedugo su zdigli cjenu karte, ali su zato nekaj drugo smanjili. Brzinu terom cug pelja do Zagreba. A smanjili su i broj vagona na cugima. Obično je negdar bilo po pet vagona i si su bili puni. Čak če nisi na vrijeme došel si moral stati jer mesta za sesti nije bilo. A da se mi teri se s cugom peljamo još bolje zbližimo h pondeljek su na cug deli tri vagona. Bila su prvo četri, ali su onda jednoga zeli. Normalno da su zeli onog najboljeg, a staru kramu su ostavili. Sigurno je to naš domaći negdašnji doministar, a denes tajnik urgiral za nas Zagorce. Ipak i on tu živi. I sima nama teri se s cugom peljamo daje ljepi primjer. Pelja se na posel h službenom autu.

Pustimo sad to. Na fejsu imam več skoro 30 prijatelja, dok sam na farmi došel na 19. nivo. Dok bute to čitali več bum sigurno i na 20. došel. Sad dok sam igral tu farmu i posadil trsje, sam si mislil kak bi bilo dobro napraviti našu verziju toga. Da se h to razmem mam bi to napravil. Igru bi nazval Vino 1.0 i trebal bi delati trsje na kompjuteru. Počel bi sa starim nasadom nohe i malo po malo kak bi služil peneze bi nohu pocjepal i del cjepe. Onda bi sprogramiral h igrici i tuču i peronosporu i susede teri ti kradeju grojzdje,... I kak bi se nečega zmislil dak bi apdejt napravil. Osim kaj bi trebalo paziti na trsje trebalo bi i vino delati i prodavati. Normalno da se manje dobi za vino h rinfuzi neg za butelju. Sprogramiral bi i prijatelje teri sako malo dojdeju kljeti i spijeju ti par litri vina. Kad bi skupil peneze mogel bi i vodovod potegnuti. Mislim za prati lagve, a ne za ono kaj ste vi mislili. I cukor bi se mogel kupiti. ...