Već par puta sam pisal kak je Gracia nezadovoljna s kinderbetom. Nekak nema volje spati h njemu. Uspela je razviti i posebno čulo da se mam zbudi če ju h kinderbet denemo čak i kad spi. Bar meni to dela. Neku noć zaspi ona kraj mene na krevetu i da bi ja imel komociju na krevetu štel sam ju deti h kinderbet. Otkrijem ju, ne reagira. Nosim ju do kinderbeta, ne reagira. Polako i pažljivo ju spustim h kinderbet i onda kaj da ju je nekaj hpičilo. Počela je cendrati, kričati, hitati se. Onda sam samo ispružil ruke prema njoj i mam je nastal mir i nastupila tišina.

Nedjelja je bil dan prepun iznenađenja. Za prvo se pobrinula Gracia. To da se one dane kad ne treba iti h vrtić rano zbudi već nije iznenađenje. Čim se zbudila dobila je flašicu i pustil sam joj crtane da si još malo poleži h krevetu da se ne zdigne prenaglo. A i da si žena i ja spijemo kavu. Nije prešlo par minuta, kad evo nje iz sobe, potpuno gole i nosi kahlicu u rukama. I govori - piš, piš. Donese kahlicu do žene, a unutra se ima kaj za videti. Popišala se. Nije čudno da djete njezinih godina piša na kahlicu. Međutim na krevetu sam ju ostavil h pidžami, bodiju i imala je pelenu. Sve to je skinula sama sa sebe i popišala se h kahlicu. Znala je ona i prije sve skinuti sa sebe, a znala je i pišati da nema pelenu. Samo kaj je pišala na našem krevetu po jastucima. Obično gola sedne na jastuk i zavisno od toga na čiji jastuk sedne tak veli - mama piš piš, ak sedne na ženin jastuk, ili tata piš piš ak je na mojem jastuku. Do sad je češće popišala ženin jastuk.

Drugo iznenađenje je napravila Patricija. Gracia i ja smo bili prešli van po kruh i malo se prošetati, prejti do parka i do trga nahraniti golubove i vrapčiće. I dok smo bili h parku zove me šogor e bumo došli do njega. Objasnim mu da kaj se mene tiče morem dojti, ali da žena kuha ručak. Dobro. Nije prešlo par minuta zove šogor opet. Eee, daj dojdite, rekla je (moja žena) da bu se obljekla i da bute došli. Meni sad nič jasno. Ali seli Gracia i ja h auto i pravac doma. Nisam Graciu niti vadil van iz sjedalice nego sam samo išel kruh odnesti doma. A doma iznenađenje. Patricija ima fertun na sebi i panira meso za pohati i pohvali mi se da bu ona zgotovila ručak. Da mi nije žal djeteta nateral bi ju svaku nedelju, a i češće da kuha, kak joj dobro ide.

Osobno sam se uspel uvjeriti da e-recept zbilja funkcionira. Nakon duuuugo vremena sam bil pri doktorici zbog sebe. I dala mi je nekakve tablete i rekla da ih samo podignem h bilo teroj ljekarni. I zbilja je tak. Ajde da bar nekaj h ovoj državi funkcionira. I naplata im dobro ide, 15 kuna pri doktorici za pregled, 16 i nekaj h ljekarni nadoplata za tablete i 50 kuna na kirurgiji za to kaj su mi ruku zamotali. Samo kaj ne znam za kaj sam lani sveukupno 18 hiljada kuna doprinosa platil.