Još u rodilištu je doktorica pedijatar ustanovila da djetetu nekaj ne štima s lijevim uhom. Ili djete ne čuje na to uho kak spada ili to nemreju ustanoviti. Zato smo se trebali pojaviti jen dan h bolnici h pedijatrijskoj ambulanti.
Baš je dva dana prije toga snjeg opal. Sreča kaj sam još bil na godišnjem pa sam s susedima mogel lopatati (raditi lopatom razne poslove) po cesti. Pri meni se inače snijeg ne čisti. Mislim oni teri su plačeni za to ga ne čistiju, nego ga čistiju budale tere su za to platile. I rekel sam gradonačelniku za to i nič se nije dogodilo. Rekel sam i dogradonačelniku, pa je on jemput osobno došel sa službenim traktorom kaj mi je cestu počistil. Rekel sam i nekim ljudima iz gradske vlasti, pa je jen od njih krenul od mene još i bedaka delati.

Da nisam moral iti s detetom malim k doktoru ne bi ni ja čistil. Napravili bi si stezicu za pešice hoditi i gotovo. Ovak smo počistili cjelu cestu.

Po ljepo počiščenoj cesti spustim se ja u centar Zaboka i prejdem na Bračak. Normalno da se čak ni z malim detetom h autu nemreš sparkirati negdje blizu bolnice. Prvi red parkinga do bolnice su doktori i ostalo osoblje bolnice teri prvi dojdeju. Drugi red do bolnice su oni doktori i ostali kaj delaju h bolnici teri dojdeju na posel male kasnije. A ja bi se z malim detetom trebal sparkirati dole pri Rudarovom igralištu. Sreča pa je bil opal snijeg i niti oko bolnice nije baš bilo nekaj posebno počiščeno. A moj plavi grom ima dobre zimske gume i ide i po velikom snijegu. Ženu sam ostavil s detetom ispred bolnice i sparkiral se h najvekši snijeg pri dvorcu.

Dojdemo gore do pedijatrije, kad tam imaš kaj za videti. Mala igraonica za decu, stol za presvlačenje beba, sikud plakati o tome kak je dobro dojiti decu, kak je to najzdravije, pa broji telefona za podršku pri dojenju i po zidu par slik od Malog štafelaja. Denemo dete h nosiljki na stolec i hoču si slječi kaput. Gledim ljevo, desno, pa opet ljevo desno. Pa iza sebe, pa ispred sebe. Pa gore, pa dolje, pa ljevo,…

Nemam si kam obesiti kaput. H čekaonici nema vešalice. Si mislim da bi se trebala napraviti nekakva humanitarna akcija da se skupiju nekakvi penezi za vešalice. Uz to h vrijeme h koje smo bili naručeni nije doktorice bilo. Samo je sestra rekla da doktorica ima hitni slučaj i da bu došla jedna druga, ali po cajtu. Sad ja pitam sestru da gdje bi žena mogla podojiti, če bu pucka štela jesti, e ima prostorija kakva za to, kad sam več na pedijatriji, h bolnici tera je obljepljena s UNICEF-ovim plakatima da je prijatelj dece i s plakatima na terima piše da dojiti treba. A sestra mi veli da nema tak nečega.

Ipak moram pohvaliti sestru koja je ipak otprla jednu praznu ambulantu i rekla da ak treba more se nutra dojiti.