Prije nekih mesec dana, a morti i več idem ja na posel h Zagreb i vidim tam pri glavnom kolodvoru jenu gospođu kak prodaje one male žute, kak se zoveju,… mimoze. I mislim si kak bi bilo ljepo da zemem svojoj ženici jen pušlec toga. Po cijele dane je doma s bebom, samo doji, spi i posprema po hiži. Bum ju iznenadil i razveselil. I zemem ga.

Dojdem doma, a kak je žena dojila zemem vazu, nalijem nutra vodu i denem mimoze. I nič ne govorim. Dojde po cajtu žena h kuhinju i vidi vazu s mimozama, ali ni ona nič ne govori. Nakon nekog vremena pita ona mene da kaj je denes.
- Nič. Kaj bi bilo?
- Pa, za koga su te mimoze?
- Za tebe.
Pita ona opet kaj je denes, e je kaj propustila. Je morti kakva godišnjica ili nekaj slično, jer da se nemre zmisliti.
- Nije nič. Videl sam babu kak prodaje mimoze i kupil sam ti jen pušlec. Če ti se ne dopada hiti ga h smeče.
- Dopada mi se, lijepi je, samo si me iznenadil.
- Pa to sam i štel. Iznenaditi te. Kaj se to nesme?

I tak mi dva još riječ po riječ i veli ona meni kak je na internetu pročitala da to kad ti muž iz čista mira kupi rože nije dobar znak. Sad sam se ja zabrinul. Kak nije dobar znak? A da je Valentinovo ili 8. mart bil bi dobar znak. Jer ak si u kalupu ko i svi drugi onda je se h redu, ali ak malo zideš van iz te nekakve šprance onda nije dobro.

To automatski znači da si nekaj napravil kaj nisi smel. Zato si vi teri ste oženjeni morate zapamtiti jako dobro da se rože ne kupujeju bezveze. Nego isključivo na strogo zapovjedane dane. Znači za Valentinovo rože i bombonjera, za 8. mart rože i još nekaj. Niti jedna godišnjica nikak ne sme prejti bez roži i još nečega (obično slatkiši nekakvi). I tu morate dobro paziti. Če kupite premalo onda ne valja jer ispada da na svojoj ženi šparate. S druge strane če kupite preveč onda ste rasipnik i za te peneze ste mogli kupiti nekaj korisno.

A nedaj Bože kupiti nekaj korisno za poklon na takve dane. Recimo da kupite ženi za rođendan set novih rajngli ili usisavač najblaže kaj vam se more dogoditi je da vas gađa s njima. Ali če kupite nekaj kaj samo ona koristi onda je u redu. Recimo če joj kupite onaj aparat za podbrivati noge i ono med nogami to je u redu, ali novi televizor nije u redu. A največe zlo je kupiti ono kaj u principu koristiju samo žene njoj za poklon. Recimo novu peglu.

Sad se ti snajdi h tome i budi dobar muž.