Prethodna kolumna
Slijedeća kolumna

DNEVNIK TATE BENA: ADMINISTRACIJA III

Piše: Tomislav Benčić
Da bi prijavil djete na zdravstveno trebam prejti do kadrovske službe h Ministarstvu gdje inače d

Da bi prijavil djete na zdravstveno trebam prejti do kadrovske službe h Ministarstvu gdje inače delam. Nisam papire slal faxom jer sam tak i onak trebal prejti do tete Jozefine po poreznu karticu da na nju upišem i treće djete. I tak se ja zaputim u Zagreb.

Dojdem do ministarstva i prvo sam se k šefu hjavil. Njemu sam odma predal papire kaj treba za očevidnike razne. Kak po novom kolektivnom ugovoru imam pravo na novčanu pomoć za rođenje djeteta, tak sam predal papire i za to, zel si poreznu karticu i pomislim kak sam sad skoro sa svim gotov prešel sam doma. Sa šefom sam se dogovoril da bu mi hjavil kad buju gotovi papiri na zdravstvenom.
Vrnem se h Zabok oko 1 vure i kak sam imal još vremena prejdem do Porezne uprave koja je kolko sam ja znal delala do 3 vure. Dojdem tam, a na ulaznim vratima u Poreznu upravu osobno šef i Suzana ljepiju novo radno vrijeme. Sa strankama se dela do 1. To jest do 13. Pa nemrete mi sad to delati! Ali veli šef da kad sam več tu nek si obavim kaj trebam. Za par minut sam bil gotov i prejdem doma. Nevezano uz djete na poreznoj upravi sam trebal i poreznu prijavu predati. Donesem ja to gore za sebe i ženu. I gleda tam gospođa kaj je to prijela i počne skimavati. I veli da sam uz ženinu prijavu del i račune za ljekove (onaj Partusitem kaj sam več spominjal da piše na njemu sve na njemačkom) i da onda mora žena napisati izjavu da to nije iz donacije. Kak bi bilo iz donacije če sam račun priložil na terome piše kolko, kak i s čem je plačeno? Nema veze nek se papirologija gomila. I kad sam već spomenul poreznu prijavu nije mi jasno zakaj ju moram pisati. A sve to h kompjuteru na Poreznoj imaju. Sve tam nutra piše. Tolko o e-rvackoj.

Nakon par dana zovem šefa i pita me je gotovo to na zdravstvenom za djete. Nije. Prešlo je još par dana i zove me šef da je bil kod ovih ženskih kaj to delaju i da je sve gotovo, ali da su mi to poslale poštom. I zbilja drugi dan dojde koverta doma i njoj Tiskanica 3 za djete. Tak smo popunili žena i ja, zapraf žena je popunjavala jer se njezina slova, za razliku od mojih daju pročitati, prvo zahtjev za jednokratnu novčanu pomoć. Denem to na stranu i uz to sve papire kaj mi je teta na socijalu rekla da trebaju uz to biti. Popunimo i izjavu nekakvu o korištenju naknade i na teri račun da se to isplačuje. To je sve štimalo. I još sam imal prazan obrazac kaj sam dobil o tome da se majka djeteta slaže s tim da otac, to jest ja koristim roditeljski dopust od šestog mjeseca djeteta. Kak ja to nebum koristil, nego bu to koristila žena nismo to popunili. Usput sam popunil i one ponude kaj smo dobili za dopunsko.

I tu sam mam popizdel. Zakaj ja moram plačati največu premiju dopunskog osiguranja? Ko da nije dosta kaj mi skoro 2000 kuna zemeju za doprinose od plače. Uz to još mi država zeme i par sto kuna doprinosa od honorara. I povrh svega moram platiti največu premiju. A kaj je najbolje k doktoru niti ne hodim. Če mi ne verujete prejdite do moje doktorice i pitajte ju kad sam zadnji put bil kod nje. A zadnji ljek na recept sam dobil prije 10 ljet.

E, da i kad smo popunili sve moguće obrasce, izjave, uvjerenja, potvrde,… prejdem ja to predati na hazezeo. Dojdem nutra h kancelariju, a gospođa kaj to dela se spomina na telefon. Malo ja počakam i čujem kak u roku 2 minute po peti put jedno te isto nekome prek telefona objašnjava. U međuvremenu, da ne čekam dugo njezina kolegica pogleda papire kaj sam donesel i skimava. To je dobro, to je dobro, a zakaj ovo niste spunili? Pita i pokaže na izjavu kojom moja žena izjavljuje da je suglasna da ja koristim roditeljski dopust od šest mjeseci starosti djeteta. Velim ja da nismo to spunjavali jer ja nebum to koristil. Ali su tete u toj kancelariji imale i jokera u rukavu. Jer za nekaj kaj smo spunili su izašli novi obrasci! Pa to treba spuniti znova.

U sljedećem broju vraćamo se u bolnicu… Nikako ne propustite.

Facebook