Kak ja delam h državnoj službi nikak mi se ne dopada najava rezanja plača nam teri ju dobivamo z državne kasice prasice. Neki veliju da to i nije tak puno i da se da zbaviti.

Pa su onda naši sindikati pristali da nam se plače vrneju na one od lani. Drugim rječima sindikati su kapitulirali. Jer su deli malo matematike na stol. Če se ne prihvati ucjena države da se nama zrežeju plače, onda bu država otkazala jednostrano kolektivni ugovor. Mi bi još tri meseca dobivali tih 200-300 kuna veču plaču i onda bi zgubili sva prava koja nam garantira kolektivni ugovor. I regres, i dar za decu i božićnicu i prijevoz. Zgubili bi i dodatne dane godišnjeg koje imamo povrh onih zagarantiranih zakonom o radu. Ne bi nam se moralo platiti prekovremene vure, dodatke za nočni rad, za to kaj delamo i na praznike i nedelje i petke i svetke. Zgubili bi pravo i na jubilarne nagrade, a ja taman ljetos trebam takvu dobiti.

Pa, nem ja propal za tih 200-300 kuna, iako mi je to za pelene za cjeli mesec. Najbitnije je da bu se država spasila kad se nama zrežeju plače. Jer mi smo tak i onak obični paraziti. Samo cecamo državu, a nikakve koristi od nas. Tak bar misli veči dio ljudi. I bez nas se more h ovoj državi. Nego kak da se more. Kaj če nama učitelji kad smo se, bar mi Zagorci rodili z malu maturu. Kaj nas vučitelj more več nafčiti. Niti doktora nam ne treba. Tak i onak kad dojdemo doktoru znamo sami dijagnozu i velimo doktoru koji ljek nam treba. Niti policije nam ne treba. Jedino kaj policija dela je kaj pošten narod hapsi, piše kazne za krivo parkiranje, a samo sam na minutu stal z autom i kaj je najgore daje nam one vokitokije za puhati i onda nam zemeju vozačku. I onda, e nam treba policija? Niti ovi na sudu nič ne delaju, pa i njih ne treba. Obične parnice trajeju po par ljet i nikak da se zgotoviju. Najbolje da se s susedom potučem oko mejaša i gdo je jači taj bu zakopal mejaš i tak bu. Ne treba nam suda ni policije. Niti onome teri je dobil batin doktora.

S druge strane država je več splanirala kam bu potrošila peneze. Za jesti i piti bu se potrošilo malo prek 52 miljona kuna. Razne strane vlade i međunarodne organizacije bu naša država pomogla s 104 miljona. Naša vlada bu ljetes h Bosnu poslala 82 i pol miljona kuna. Naša država zna da je vjera jako bitna sakome čoveku. Zato buju vjerske zajednice dobile 313 i pol miljona. S obzirom da imamo Hrvatsku, a nebi ju imeli da nije političkih stranaka onda se bu i njima dalo samo 60 miljona kuna. Kak je kriza tak je i bankama teško pa bu za subvencije bankama država dala 7 miljona. Za policiju se bu kupilo 800 novih auti. U prosjeku buju koštali oko 200 hiljada kuna po komadu.

A da bi se tak trošilo i hitalo peneze treba ih nekak namaknuti. Da je naša vlada uvela onaj famozni porez na kapitalnu dobit morti bi si naplatila koji miljonček kad je Rajić Dukat prodal. Ili da se nogometnim klubovima (ali samo nekim) nije oprostil više stotina miljonski dug za porez bi se i na tome nekaj zaslužilo. Pa prejde par nogometašof po Europi igrati za po par miljona ojra saki, a h državnu kasicu prasicu ni lipica nije opala.

Ali ruku na srce morti sam i ja kriv kaj je došlo do ove krize. Priznam da nisam na vrijeme platil 200 kuna poreza za to kaj imam auto. Da sam to platil na vrijeme do krize sigurno ne bi došlo.