Sa svih strana, iz novina, s televizije i od kud god hočete nas bombardiraju kak se ne zdižeju cjene. Kak su neke stvari jeftineše nego prije. To mi, moram vam reči jako puno znači. Jako puno mi znači kaj je cukor pojeftinel. Jer ga ja ko šečeraš jako puno koristim. Istini za volju to je dobra vijest za naše vinogradare i podrumare. Samo kaj dok dojde vrijeme berbe sigurno več nebu takva cijena.
 
O cijenama i našoj kupovnoj moči bi mogel napisati i par romana, a ne samo par redova h ovoj kolumni. Malo po malo, onak s tihoga cjene lagano, ali sigurno rasteju. To vam valjda ne moram povedati jer to vidite i sami. Zemimo na primjer benzin. Kad nam je država zamrznula plače benzin je koštal nekaj manje od 8 kuna. Sad je več prek deset. Drugim riječima liter benzina plačam dvije i pol kune več nego prije dvije i pol ljet. A plača je ista.

Nije samo benzin u pitanju. Zemimo još meso ko primjer. Ne sad nekakvo vrhunsko meso, nego obično carsko meso od pajceka. Prošlu zimu smo ga kupili par kil kaj je moj tata to napacal, podimil i posušil. Špek je bil odličan. Kila je prošlu zimu koštala između 18 i 19 kuna. Ove zime se najjeftinije prodaje po 23. Još prije ljeto dan ste mogli kruh kupiti po 5 kuna. A počem je denes?

Uglavnom sve poskupljuje, a plače su nam iste, nekima i manje. Bar nama teri ih još dobivamo. I teri uopče imamo posel.

Čital sam neki dan kak neki šef h željeznicama govori da se mi h cugu peljamo udobnije nego prije. Takvu glupost more reči, ali i napisati samo nešči gdo se s cugom ne pelja. Toga kaj je to rekel bi da morem posel h takef superudobni vagon i poslal ga da se odpelja od Zagreba do Kotoribe i nazaj. Mislim da nakon toga več nigdar nebi tak nekaj izjavil. Istina je da su željeznice neke stare vagone malo prefarbali zvan i znuter, deli druge ziceve i klimu ugradili. Klima čak i dela. S početka tam negde po ljetu baš i nije najbolje delala, ali sad po zimi dela ko vurica. Vani je -20, a klima puše mrzlo.
 
Prošli tjedan je bil i 8. mart. Dan žena. Iako su ga određeni uporno ignorirali i nas pokušavali uvjeriti da je to obična komunistička tvorevina, mi muži se nismo dali i redovito smo „iznenađivali“ svoje žene. A iznenađenje je zagarantirano. E je to iznenađenje ugodno ili neugodno, ovisi o tome jeste se zmislili na ženu ili ne.