Prethodna kolumna
Slijedeća kolumna

Dnevnik tate Bena: Brrrrr

Piše: Tomislav Benčić
Nije da sam zimogrozan ali denes (na sam dan žena) hjutro sam se h cugu skoro zmrzel. Vani je bil

Nije da sam zimogrozan ali denes (na sam dan žena) hjutro sam se h cugu skoro zmrzel. Vani je bilo jedno -4 ºC, a h cugu nije bile pune več. Valjda su potrošili svu naftu za grijanje dok su greli a vani je bilo +15. Uz to ni prozori ne dihtaju baš najbolje pa čez njih još i puše. Sreča pa su se bar vrata dala zaprijeti. H one dane dok je bilo toplo tak su greli da sam h cugu bil h kratkim rukavima.

S početka mi je bilo malo zima. Negde oko Pojatnog su mi se šmrklji h nosu počeli zmrzavati, a pri Vrapču sam prestal osječati prste na nogama. Sreča da sam imel kapu jer bi mi inače vuha otpala.

Da ne bi doma išli brrrr i da nam ne bi bilo zima grijanje dela. I kak nejdem brrrrr cjeli mesec napravim veliki BRRRRR kad otprem kovertu s računom za plin. I kad vidim cifru praf se stresem. I onda još veliju da je plin jeftin. Da je drugde h Evropi skuplješi. I da se treba još zdiči cijena kaj bu ko h Evropi. More. Naj zdigneju tak cjene. Ali nek nam onda daju plače kak imaju h Evropi.

Ja se i dalje natežem s nekad našom telekomunikacijskom firmom. Uspeli su oni meni skoro sve više-manje spojiti. Samo kaj sad ne vidim gdo me zove. Jednostavno mi ne kaže broj s teroga me nešči zove. Veliju oni meni da je to zato jer sam zel paket usluga s popustom, pa sam osim popusta na cjenu dobil i popust na usluge. Ili drugim rječima manje moram platiti, ali i manje toga dobim. I prejdem ja dodatno ugovoriti uslugu da vidim na telefonu gdo me zove. Kad sam pital kolko im treba da mi to uključe, dobil sam odgovor da u roku od 24 sata. To je bilo prošli četvrtak, a meni još uvjek to nije uštekano.

Gracia je več ljepo zrasla. Taman je tak velika da se more z glavom jeknuti h kuhinjski stol. Na svu sreču ima jednu dobru naviku. Posprema za sobom. Za razliku od druge dvije. Njima prvo treba ljepo reči, pa još jemput ponoviti, dobro je i jemput zakričati i onda tek kreneju pomalo.

Prošli tjedan smo imeli i prvu doktorsku intervenciju za Graciu. Male si je na kutiji za igračke porezala prst. Pa su joj na hitnoj to dezinficirali i zamotali. Zavoj je zdržal prek noči, a hjutro je uspela sve to zvuzlati. I nije baš preveč doživljavala zavoj kak to inače mala deca znaju. Ponašala se ko da ga nema. Sve dok moj tata nije došel. Čim ga je zagledala pokazala mu je prst i krenula: Blablallaabblala. Pa je počela zavoj i skidati. Probali smo mesto zavoja deti flaster. Ni to joj se nije dopalo pa je držala prst s flasterom h ustima sve dok ga nije uspela hmeknuti. Nekak se mora biti po njezinom. Tu i tam mi se vidi da sme ju 'male' razmazili.

Facebook