H zadnje vrijeme s ovom T-firmom imam samo probleme. Na početku prošlog meseca su mi iskopčali mobitel. Kao nisam platil račun. A platil sam ga. Istina, platil sam ga par dana nakon dospječa, ali sam ga platil. I bez obzira na to oni mi otkopčali.

Kak več nemrem poslušati one u službi za korisnike, teri tak i onak nemreju nič napraviti, a niti baš nič preveč niti ne znaju, sednem ja za kompjuter i pošljem mejl s izvodom iz banke gde se vidi da sam platil račun. I dobim poruku da mi mejl ne prolazi. I tak jedno 5 puta. Sprintam si potvrdu i probam drugi dan faksirati. Ne prolazi ni faks.

E onda sam ipak išel zvat. Pa su mi na kraju nakon nekog vremena natrag ukopčali mobitel. Kak bi mi plačanje računa bilo čim jednostavneše tak mi za ženin i moj mobitel dojde jen račun, a s tog računa još i deci se doplate bonovi. Ali prošli mesec deci na račun nije selo nič. Nazovem službu za korisnike i pitam kaj se događa i zakaj deci nisu nadoplačeni bonovi, i nakon podužeg čekanja mi ženska kaj mi se hjavila veli da je to zato kaj sam prošli mesec bil ištekan. I da to piše h opčim uvjetima poslovanja. Ne budi ja ljen pročital sam 10 stranic tih uvjeta, ali to nigde nisam našel. Nazovem opet i velim u čemu je problem i da tam gde su mi rekli nisam našel nič o tome. Pa mi veli ženska da bu mi se hjavila kad provjeri. I zbilja se hjavila i veli da to piše tu i tu, točka ta i ta i da to morem najti tu i tu. Opet ne budi ja ljen pogledam, a kad tam ne piše opet nič o mojem slučaju.

Nič bolji nisu niti h onom djelu firme kaj se bavi s telefonom kaj ide po žicama. Odjavim ja jednu uslugu i odma zatražim drugu. Pitam prvo e je to opče moguče. Ženska kaj tam dela veli da je. Rekla mi je kak buju meštri došli otspojiti to kaj imam i spojiti drugo. Još me pita kad mi paše. Velim ja njoj kad mi paše i veli ona meni da buju došli h to vrijeme. Prešlo je jedno 10 dana od kad su meštri trebali dojti kad mene nešči zove.
- Dobar dan zovem s centrale, jeste vi taj i taj?
- Jesam.
- Jeste li vi otkazali tu i tu uslugu?
- Jesam.
- Dajte vi sad onda na tom i tom uređaju otštekajte tu i tu žicu i zaštekajte ju tu i tu.
Tu sam ja ostal zbunjen jer sam očekival da buju meštri došli k meni doma, to odspojili i odma prespojili ono drugo kaj sam naručil. Muž s druge strane mi je odgovoril da on ima nalog ukinuti tu uslugu kaj sam otkazal i da je to to, a da za ukapčanje nečeg drugog on naloga nema.

Nakon par dana došli su meštri ukopčati to kaj sam naručil. Prvo su me zvali h petak, da kad bi meni pasalo da dojdeju. Rekel sam im naj dojdeju h pondeljek če moreju, a čovek veli da nema problema. Ja h subotu hjutro na poslu nekaj delam, kaj več delam na poslu, kad zove me žena. I veli da su došli meštri spojiti telefon, da imaju vremena pa su došli da ne čekamo do pondeljka. Nije prešlo pol vure kad zove Patricija.
- Tata internet ne dela!

Objasnim ja prek telefona detetu kaj da pogleda, ali na kraju sam joj rekel da nema sreče i naj počeka dok ne dojdem doma. Jer prema onome kaj ona meni rekla ispalo je da su mi internet i televiziju kaj imam prek telefona spojili na krivi broj. Tak je i bilo. Deca su bile razočarane jer vikendom smijeju malo duže biti na internetu, a nije delal. H mobitelu mi je ostal broj od meštra kaj me je zval i nazovem ga. I velim mu kaj su napravili. A on mi veli da je sad h trsju da reže, da su mu žena i dete zeli auto i da nemre sad dojti, da bu došel h pondeljek. I došel je mam hjutro i postavil se kak treba biti.