Denes je teško biti mali, običan čovek. Kaj god da se dogodi gdo naje..? Mali čovek. Se opadne na njegova pleča. Nem sad ponavljal ono se kaj je rečeno o krizi i kak se se to prelama na malome čoveku. Zel bum za primjer of prosvjed na željeznici od pondeljka. I taj se prosvjed prelomil na malome čoveku. Ipak da se razmemo ja u potpunosti podržavam zahtjeve koje su željezničari uputili, kome več jesu. Jer i ja ko čovek teri se saki dan peljam s cugom bi štel da se peljam h boljim, novešim i udobnijim vagonima. I ja bi štel da cug ide brže od 20 km/h. Štel bi da tu čez Zagorje peljaju bolji i bržeši cugi nego kaj je teževe u Francuskoj. I zato same naj prosvjeduju. Kad bi bar kondukteri šteli prosvjedovati. Da jen celi mesec ne pregledavaju karte.

Tih 15 minut kaj su cugi stali nikome nič ne znači. Bar ne onima zbog terih se išlo u prosvjed i ne onima teri su željeznicu dopeljali h stanje h terom je. Oni si uredno sedneju h svoje, pardon ne svoje neg službene audije, bemveje i tome slične aute i voziju se. Ali jenom običnom malom čoveku tih 15 minut puno znači. Nek je jen obični mali čovek sel na cug i krenul na posel. Pri nekakvom privatniku. I nek je taj cug došel 15 minut kasnije tam gde obični mali čovek ide. Recimo h Zagreb. I tam nije hlovil tramvaj s kojim ide svaki dan, nego je čekal nekog drugog. Pa ni došel na vrijeme na posel. A trebal je preuzeti posel od kolege teri je hjutro delal. Pa je taj njegov kolega kasnije išel doma. A kaj če je još trebal dete h vrtiču zeti? I tak se samo jedno veže na drugo. Ali samo običnom malom čoveku. Onim direktorima z menadžerskim plačama sigurno nije. Morti da je prosvjed trajal 15 dana, a ne 15 minut bi se nešči i zabrinul. Ovak…

Inače još uvjek se borim s onom firmom za telefone. Imam liniju i morem telefonirati. Ali još uvjek ne vidim gdo me zove. Prijavil sam to več ni sam ne znam kolko put. I dobil sam prošli tjedan odgovor da je se h redu. Da su to popravili. A nisu! Prejdem ja tam gde sam ugovoril tu uslugu i velim da sam dobil poruku da to dela, a zapraf ne dela. I pogleda ženska tam h kompjuter i veli da njoj h kompjuteru piše da to dela. Velim ja njoj da more nutra pisati svašta, ali da meni to ne dela. A ona meni veli da to nije njezin problem, da oni samo prodajeju usluge, a če ih ja ne dobim to se njih ne tiče. Baš me zanima e se oni i h Njemačkoj tak ponašaju prema onima od terih živiju. Morete si misliti.