Pa kaj nije normalneše da se po ovakve zime, uz nedostatak plina, omoguči da dela privreda koja za nas služi, a ustanove, obrazovanje, kultura i sport da počakaju koji dan kad bu se stanje normalizirale!

Najprije ekonomska, a sad i energetska kriza.
Spretni i snalažljivi v takvi bi situacija vidli šansu, a nesposobni izgovor.

Ove dvije krize, pogotovo ova druga, energetska, ko rođene su za sustave kak je naš. Vništena privreda, nerazvijene gospodarstve, još friška sečanja na dane rata kad sme se morali snalaziti na kojekakve načine trebali bi značiti da sme pune menje osetljivi na takva stanja nek kaj su to oni koji imaju razvijene gospodarske sustave, z velikim obrtajem kapitala, ovisni o kretanjima financija i z veliku potrošnju energije.
Mi bi po semu trebali biti pune bolje spremni na kojekakva nepredviđena iznenađenja, pogotovo kad su pitanju situacije snalaženja, od onih koji v skore prošlosti nisu imeli iskušenja kakva su bila naša.

Uređeni politički i gospodarski sustavi po semu bi trebali biti bolje osetljivi na ovakve situacije od onih kojima je snalaženje sakodnevica.
No, kad bi znali svoje nedostatke pretvoriti v kakve-takve prednosti ne bi bili tu de jesme. Mi baš obrnute, prednosti koje imame kad je u pitanju energetska kriza, pretvarame v falinge.

Problem z energiju – plinem dogodil se baš kad je največa zima i potreba za grijanjem. Dober dio ljudi ljehke se odrekel tradicionalnoga grijanja, pa čak i ko alternative. Oni koji su nastavili održavati svoje dimnjake sad su došli na svoje.
Od naše sam politike očekival pune pametneše poteze, pogotove zbog toga jer ih v ovakve situacije ne bi nišči napadal, čak bi imeli i podršku javnosti kad bi delali pametne i mudre poteze.

No kaj je naša izvršna vlast napravila!?
Ograničila je opskrbu plina za gospodarstve, a fali se kak buju škole delale normalne!
Pa kaj nije normalneše da se po ovakve zime, uz nedostatak plina, omoguči da dela privreda koja za nas služi, a ustanove, obrazovanje, kultura i sport da počakaju koji dan kad bu se stanje normalizirale!

Baš su te djelatnosti v ovakvim zimskim uvjetima ogromni potrošači energije, največ plina kojega nema. Z druge strane, oni buju v povoljnim vremenskim uvjetima najlježe nadoknadili zaostatke.

Škole i fakulteti ne bi imeli problema kad bi svoje aktivnosti prebacili na slobodne dane koje imaju na prolječe, ali fabrike i gospodarstve ne buju mogli nadoknaditi zaostatak v proizvodnje.

I administrativne službe bi mogle svoje aktivnosti smanjiti na minimum, da se ne grijeju ogromni kancelarijski prostori. Ake treba to bi nadoknadili nakon kaj ova kriza prejde.
Ali ne! Naš se ministar znanosti i obrazovanja fali kak buju škole delale. Ne znam same kaj je s tim postigel. Ake je štel impresionirati javnost z podatkem da škole i usprkos problemu z opskrbu plinem delaju, onda je glup. Trebal je javnosti reči da se buju plina privremene odrekli oni koji to moreju, da bi one male proizvodnje kaj Hrvatska ima mogle bez problema (z plinem) delati!