Kad sam videl žensku kak h visoka peta gaca po glibokomu snegu mam mi je bile jasne da neki kad se h jutre obuvaju nisu h stanju razmisliti e ideju na plažu,večernji izlazak ili po snegu na posel!

Nemam baš pune prilike pisati o stvari tere su vezane za zimu, jer su nam zime se topleše, pak se pravi zimski ugođaj ni ne oseti.

No, nakon tri ljeta, konačne nam je zapal kakev-takev sneg. Makar nije duge trajal, mogle se je osetiti kak je to kad pri nas ima snega.

I dok su se jedni veselili i uživali kaj je naše zagorje postale bele, drugi su muku mučili kak z nečim, čega sme se več skore odvadili, dojti na kraj. Negda, da je snega bile pune več nek denes, saki doj je mogel zel je lopatu, očistil oko hiže, napravil tir da more na cestu i nije bile problema. Denes, pak, kad h večine urbanih naselja postoji nogostup, došli su i problemi! Ima dosta ljudi teri zbog vlastitoga užitka i rekreacije očistiju i svoje dvorišče, ali i javnu površinu v svoje okolice i to im je normalne. Ali ima i onih koji sneg ne doživljavaju ko veselje i zabavu, nek glediju kak buju službe tere se baviju z održavanjem položile test.

Firma v koje delam, iste je zadužena za jeden dio održavanja, ali ja doma svoj prilaz ne čistim nek ga pretvaram v sanjkalište.

Tak sam i sad dva dane trepal sneg da se napravi staza za sanjkanje. Dok sam išel z posla veselil sam se kak se bum z decu igral na snegu! Ali kad sam došel doma imel sam kaj za videti! Snega nema! Došel je kreten z ralicu i vništil je zimsku idilu! Zimska služba mi je očistila prilaz do hiže i posoljila z šudrem i solju! Katastrofa! Znam da je onaj koji je to napravil štel ščistiti da morem do hiže, ali onda bi ga bil pretrgel! Ja to nisam iskal! Meste da se deca imaju de sanjkati, morali su gacati po šudru i bljuzge! Zimska služba vništila je su ljepotu zime! I te male snega kaj je opale morali su upropastiti jer nekteri ljudi misliju da bu svet propal ake isti čas ne bu se počiščene!

Bile je i onih teri su prigovarali da si v snegu cipele namočiju. Kad sam videl žensku kak h visoka peta gaca po glibokomu snegu mam mi je bile jasne da neki kad se h jutre obuvaju nisu u stanju razmisliti e ideju na plažu,večernji izlazak ili po snegu na posel. Pa po snegu se nosiju zimske cipele, a doj ih nema more deti škornje! Moji deda i babica su si po zime noge omatali z nučami i onda obuvali škornje kaj im nije bile zima! Ki je vrag videl cipelice z visoku petu po snegu nositi!

Kad su ljudi i zadužene službe ščistili prolaze za pešake po ceste je prešla ralica i se totalno zametala! Nekteri šoferi kaj voziju ralice nemaju obzira prema tomu da i nešči drugi svoju površinu održava. Njim je bitne da se čim brže otpeljaju kaj bi brže bojlje v kakvu birtiju zaseli! To kaj su drugemi duplit posla napravili nije ih briga.

A kak se naši znaju pozivati da je vane pune bolje, javili su se i ljudi teri su vane živeli i rekli da se tam skere opče ne čistiju lokalne ulice i pločniki! Zapadni svet zna da imeti organiziranu i opremljenu zimsku službu košta, a to male kaj čez ljete padne snega nije vredne penez koje bi za te morali izdvajati. No, mi još mislime da su penezi v buđetu lucki, valjda zate jer ih bu ionak nešči potrošil tam kam nisme šteli!