Famu oko nečega napumpaju mediji koji nemaju pametneših tema, pa tak je i skijanje denes postale moda, a mi teri se skijame več prek 30 ljet morame trpeti budale tere na snijeg nejdeju radi sporta nek radi preseravanja.

Nakon dočeka Novoga ljeta dio je Hrvate završil na skijanju. Katastrofa! H vreme krize iti na skijanje! I ja sam prešel na skijanje i ne mislim za te nikomu račune polagati. Saki more one kaj zasluži trošiti kak hoče. Svoje radne nedelje i radne praznike zamenil sam za skijanje i to se nikoga ne treba ticati.

Znam da si oni koji nemaju posla, ili imaju minimalne plače nemreju to privuščiti, ali ak se sečate prije 18 let glasali sme za kapitalizam, a v kapitalizmu je glavni zakon tržišta, pa kak se ko snajde. Osobne nisam bil, niti sam sad zagovornik takvoga sistema, nije mi drage videti da ja imam, a nešči drugi nema i kad god morem spreman sam onomu komu treba pomoči, ali one kaj trošim zaslužil sam i s tim raspolažem kak oču.

Nešči troši na skijanje, nešči na kartanje, nešči v kladionice, nešči nekaj zida, igra nogomet ili kak več more. Ima i onih koji, ne da nemreju nek, nečeju delati, ali o tom ja ne mislim suditi.
Nije bitne kak doj potroši svoju zaradu, bitne je da li je to zaslužil ili fkral. I to je one na kaj morame paziti. Kad nisam imel ni za pivu, kad sam bil bez posla, nišči me nije pital kak mi je. Denes pak hodim na skijanje, jer to volim i ne vidim kaj je tu loše.

Famu oko nečega napumpaju mediji koji nemaju pametneših tema, pa tak je i skijanje denes postale moda, a mi teri se skijame več prek 30 ljet morame trpeti budale tere na snijeg nejdeju radi sporta nek radi preseravanja.

Problem su šminkeri teri su se skijati počeli zbog mode, oni teri slažeju opremu prema skupoči marke teru nosiju, a ne prema tomu kaj im treba i takvi trošiju peneze, a ne obični ljubitelji ovoga sporta. Ali to je sigde tak. Skijanje je iste tak jeftin ili skup sport kak i saki drugi. Oprema se ne kupuje sake lete i ne mora biti skupa. Meni nekteri komadi opreme služiju več prek 20 sezoni i ne mislim ih menjati dok se ne dodereju, moda me ne zanima.

One kaj je loše je same to kaj se baviti z sakem sportem nemreju si teri bi to šteli, ali to nije problem skijanja nek standarda. Zate treba delati na poboljšanju ukupnoga standarda pa da uživati v onom kaj se nudi moreme si.

Sečam se kad sme opremu za skijanje kupovali po placu, kad sme na skijanje išli z cugem, kad sme se švercali na žičare, to je bila volja koja traje i denes, same se sad, ipak, ne morame švercati.

A ko zna? Zutra morti mi neme imeli, a onaj ko sad nema bu imel. Stvari se za čas moreju zmeniti vu tom našem kapitalizmu. Inače za informaciju ukupni trošek skijanja za četveročlanu familiju po osobe košta oko 2500 kn.

Ljude treba gledeti po tomu kakvi su, a ne po tomu kaj imaju ili nemaju, ili kam ideju ili nejdeju.