Kak delam h Zagrebu trebam do tam i nekak dojti. Da bi išel s autom na posel ne dolazi u obzir. Prvo je fest velika gužva i od Vrapča do centra se vozim prva - druga - stani - prva - stani - stoj još malo - i još malo - prva - druga - trejta - koči!! - stani- čekaj - prva...


Drugi problem je najti mesto za parking u centru, a če ga i najdem košta me puno penez. Znači auto nije adekvatno prijevozno sredstvo.

More se do Zagreba i s autobusom dojti. Samo kaj mi je autobusni kolodvor malo predaleko od posla, pa onda bi se onda još i s tramvajom trebal voziti. Zato se vozim s cugom.

Od doma do stanice mi treba ne više od 5 minuta, a isto tak i h Zagrebu. I tak se ja več ljetama peljam s cugom. Za one koji to ne znaju bum rekel da od Zaboka do Zagreba ima 39 kilometra pruge. I naš Zagorski cug to otpelja za vuru vremena. Znači vozi u prosjeku primjerenom brzinom za 21. stolječe od 40 km/h. I več ljetama poslušam kak se bu štreka popravila, kak buju pustili struju, kak se bu super onda peljati. E, da i da se bu h Zaboku novi kolodvor napravil.

O tome se pisalo i na ovim stranicama ( Do Zaprešića vlakom 120 km/h ). Između ostalog piše da se s radovima počinje na jesen. Tekst je inače napisan na proljeće, ali prošle godine. I prešla je jesen kad se trebalo početi s radovima i nič. Došla je evo i još jedna jesen, ali od radova i dalje nič. A kak mi se čini niti nebu nič od svega toga.

Pogledal sam neki dan Nacionalni program izgradnje željezničke infrastrukture za razdoblje do 2012. i u njemu se uopče ne spominju takvi radovi. Doduše spominje se modernizacija i elektrifikacija u slijedećoj petoljetki (hmmm, na kaj me to podsjeća), ali meni ko običnom putniku se čini da to nebu ubrzalo promet, nego da ga bu još više usporilo. Sad je situacija takva da h Zaboku cug stane, ljudi se iskrcaju, drugi ukrcaju, prometnik zafučka i zdigne kuhaču i idemo. Kak bu to zgledalo kad se pruga modernizira i elektrificira.

Cug dojde z Varaždina, stane, ljudi se iskrcaju, ukrcaju. Dojde stručna osoba Hažeja, zavlječe se između dizel lokomotive i prvog vagona i otkopča lokomotivu. Onda dizel lokomotiva prejde proč i na njezino mesto dojde električna. Sad stručna osoba prikopča električnu lokomotivu na kompoziciju, pa onda mora provjeriti da li na svim vagonima delaju kočnice i kad se to provjeri (uz uvjet da sve dela) prometnik more zafučkati i cug kreče prema Zagrebu.

Ja osobno ko običan putnik i k tome još laik za te stručne stvari nemam pojima kak je to bolje i brže, ali stručni ljudi to znaju i ak oni to vele da je tak onda im treba verovati. Naravno da mi sve više volimo voziti se s cugom.

U prilog tome idu i podatci o broju otpremljenih putnika iz kolodvora Zabok. 2002. godine iz Zaboka je s cugom nekam otputovalo 463 500 putnika. Lani ih je bilo oko 430 000.