Jesam več pisal da se s cugom peljam na posel? Jesam.
Jesam več pisal kak se taj cug sporo pelja? Jesam.
Jesam več pisal kak štreka samo kaj se ne raspadne? Jesam.
Jesam več pisal kak su vagoni neudobni? Jesam.

I sad si sigurno mislite da kaj bi još mogel o tim željeznicama napisati. Dogodile su mi se stvari da nisam mogel verovati da se to događa. Naročito ono kaj se h petak dogodilo. Mesto plave motorke (za one teri neznaju kaj je to motorka ili misliju da ja mislim na motornu pilu objašnjenje: motorka je uobičajeni naziv za motorni vlak. Odnosno za vlak kaj su lokomotiva i vagon h jedno te istom kučištu) vidim ja sparkiranu nekakvu žuto-zelenu i još su ispred nje malo kesneše prikopčali i jednu narančastu. Kak je h ovoj narančastoj koju su kasnije dopeljali bila menjša gužva sel sam su h nju.

Sedim si ja tak, rješavam križaljku i čakam da cug krene. Pogledam na vuru kolko je vur. Kad ono več smo trebali krenuti. Pogledam ja van gde je prometnik i kaj čaka sa zdiganjem one kuhače. Kad tam imam kaj za videti. Prometnik i još jen (kesneše sam skužil da je to strojovođa) se svadiju. Uspel sam načuti da prometnik pita strojovođu e bu krenul ili ne, i da mu of odgovara da ne krenul dok se nekaj ne napravi. Nisam baš uspel dobro čuti kaj je to nekaj. Razabral sam da se oko nekakvih pravilnika svadiju, odnosno e nekaj h pravilniku piše ili ne. Onda su došli još tri željezničara razna. Dva su imeli žute markere, a trejti kožnu jaknu. I nakon kaj su se si skupa pospominali s jedno 15-20 minut zakašnjenja uspješno smo krenuli.

H subotu imam dvije dogodovštine sa štreke i putovanja na posel i s posla. Kad sam išel na posel između zapadnog i glavnog kolodvora evo kontrolora teri je štel kontrolirati e imamo karte. S obzirom da su to večinom drski i bezobrazni ljudi idem ja sprobati kak of diše, pa sam ga pital kak bi ja znal da je on kontrolor. Čovek mi je mam zvadil iskaznicu i pokazal i sve to fino i kulturno. Kad je on bil tak fin i kulturan onda sam i ja fino i kulturno zvadil kartu i pokazal mu ju. I ne samo to. Čovek je imel odgovore na sva moja pitanja. Da je več takvih sigurno bi i stanje na željeznicama bilo puno bolje.

Oddelal sam svoju smenu i evo mene natrag na glavnom kolodvoru. Uobičajena plava motorka čeka da krene za Varaždin. Kak je bilo relativno ljepo vrijeme još sam si jednu spušil vani. I dok sam pušil lagano sam se španciral uz cug da mam zvan vidim gde ima mesta. I imam kaj za videti. Jednu zdrobljenu šajbu. Nešči je kamen hitil h šajbu. Pa treba dojti nešči da to staklovinje počisti, a treba počakati i policiju da napravi uviđaj odnosno očevid.

Opet si ja sednem h cug, zemem križaljku i čakam. Jedno 10 minut nakon kaj je cug trebal krenuti evo policije. Malo su to pogledali, nekaj zapisali i prešli. Nakon njih na scenu je stupila ekipa za čiščenje. Nadasve stručna i vrhunski opremljena. Jen muž je imel malu meklu i komad kartona i z meklom je staklovinje na karton pomel.
Mislil sam da me več nič od željeznice nemre iznenaditi, ali moraju oni sako malo dokazati da ipak moreju.

Podijeli s prijateljima