Si znamo da ima kojekakvih bapskih riti. I da su furt rasprave oko njih. Te ova ima velku rit, ova malu, ova ju opče nema, ova ima rit za dvije babe. Pa se i po novinama i po internetu pisalo gdo ima najrit. Pa su jemput za najljepšu rit proglasili onu od Jenifer Lopez. Jedni su rekli da je dobra, drugi da nije. Pa su rekli da ima celul… lulo… oluita… furt mi se jezik splete oko takvih riječi. Ko kak mi se plel i oko mančchmmalowwa.

Kad sam ga več spomenul bum vam mam rekel kak su moje pucke (Patricija i Sandra, Gracia je još premala za to) napravile taj kolač (da ne pišem opet munchhmulaouv). H nedelju hjutro je Patricija napravila biskvit, Sandra onu pjenu kaj dojde gore, dok je žena napravila glazuru. Da nete mislili kak ja nisam nič delal, igral sam se z Graciom.
Da se vrnem ja na riti.

Jedna rit je trenutno u centru pažnje tuj pri nami i u bližoj okolici. Odnosno h Zagorju i okolnoj nam Hrvatskoj. H reklami za Hrvatsku i turizam se pojavila rit. I to bapska. I ta rit smeta našoj premijerki. Veli da je reklama seksistička. U tome ju podržavam. Zakaj se za reklame furt babe jemljeju. Te sad ova bapska rit za promociju turizma, te cice za bezalkoholni sok, i tak dalje i tak dalje da sad ne nabrajam se reklame gde su žensko tjelo ili određeni djelovi korišteni za reklamu. Zakaj se h takvu reklamu za Hrvatsku i za turizam ne dene jen pravi muž. Onak … zgodan … ljep … mlad … dobro građen … h kupača gača … posunčan … u principu da zgleda ko ja na primjer. To bi privuklo turiste na more, a ne bapske riti.

S druge strane ne podržavam premijerku. Kaj bi se trebalo videti na plaži? Muž i žena? On h odjelu, a ona ima na sebi haljinu i štikle. Ili morti troglave zmajeve?

Ženska h badekostimu je najnormalnija pojava po ljetu na plaži. I kak god da si ženska na plaži legne i sunča se nekaj mora pokazati. Če skrije rit onda joj se vidiju cecki. Ili obrnuto.

A u svemu tome ima i još stvari o kojima bi se dalo raspravljati. Gdo se to plača? Turistička zajednica. Od kud im penezi? Iz proračuna. I nije bil problem zeti s proračuna brdo penez i od toga nekaj dati toj ženskoj kaj je h badekostimu rit kazala. A kad treba meni dati regres ili božičnicu onda je problem. I gdo je odlučil da bu baš rit od te Jele na televiziji? Zakaj, ak se trošiju penezi od države, nije napravljen javni natječaj za izbor riti tera bu h reklami?

Ja sam skužil kaj se zapraf s tim h reklami zapraf misli. Tuj se skriva jedna poruka: „Samo dojdite na more i doma pete bez gač ili z gačami na ščapu.“ Samo kaj to naš narod ne razme.

I čemu tolka panika oko jedne riti? Kad si jako dobro znamo čemu rit zapraf služi i kaj kad-tad ž nje zide van.

Podijeli s prijateljima