H nedelju je žena uz moju malu pomoč napravila reviziju sobe od Patricije i od Sandre. Prema očekivanju nalaz revizije nije bil baš dobar. U ormarima stvari samo nabacane, med školskim knjigama hrpa raznih gluposti i papereka, flašice od soka, posudice kaj su si gdo zna gda zele nekaj za grickati, i da ne nabrajam kaj se se nije našlo. Našla se tu i hrpa različitih igrački i igrica, od kojih neke nisu niti raspakirane, a neke su samo raspakirane kaj se pogledalo kaj to je i natrag pospravljeno h kutiju. Bitno je da su deca znala daviti da one to hočeju i da im se nekaj kupi. Bar za Graciu nem moral tolko toga kupovati. Jedino š čim su se njih dvije zbilja igrale su legači. Njih su još do nedugo slagale. Ali sad su najemput zrasle i više im to nije zanimljivo.

Gracia je ko ovi naši političari. Puno pripoveda, a malo ju razmemo. Dobro, svakim danom ju razmemo se več i več. A počela je i sama jesti. Flašicu več neko vrijeme sama drži. H nedelju je za obedom odbijala hranjenje i sama si je iz zdelice grabila jesti. Prvo je zbirala grašak. Nekak su joj se te zelene kuglice dopadale. Onda je počela grabiti se po redu. Več neko vrijeme sama i pije. I to ne s flašice z dudom nego iz normalne male flašice. Sama odpre štoplin, potegne si, če je voda ne preveč, a če je nutra sok poteže dok ne sprazni.

Neku večer sam pak videl vrhunsku demonstraciju neorganiziranosti u izvedbi hažea. Dojdem nakon posla hvečer na stanicu h Zagrebu i vidim da tam gde inače stoji motorka plava tera pelja čez Zabok stojiju dvije manje motorke. Spojene. Jedna narančasta, jedna žuta. H narančastoj je mrak i zaprta je, dok je žuta puna ljudi i h njoj se svjetli. Ja stojim na peronu i pušim. Znam da me mesto h cugu čeka, a i karta mi je h žepu. I kad najemput h tu žutu ulazi kondukter i tira se ljudi van. Si ljudi kaj su bili h tom žutom prejdeju van. Pa je kondukter odprl narančastog, a jen tam željezničar je odspojil ta dva. Narančasti je ostal, a žuti je nekam prešel. Nije prešlo par minut, da se vrača strojovođa s drugim narančastim, kojeg su spojili s onim prvim. Sad meni nije jasno nič. Zakaj su onoga teri vozi zaklenuli, a onaj teri je trebal ostati h Zagrebu je ostal otvoren? Ipak je taj slučaj samo kap u moru željezničkih nelogičnosti.

Zato me precednica vlade djelom razveselila. Ljepa je vijest to kaj je rekla da bu nam dala ostatak od lanjske božičnice. Ali je rekla da se bumo morali odricati. Drugim riječima ljetes nemo dobili božičnicu. A čini mi se niti regres. A morti nam još malo smanji plaču.

I onda se štovani kolege novinari čudiju kak je nešči nekaj hrkal da ima kaj dati deci za jesti. A takvih bu se več. Se ide gore. Poskupel je plin. Još malo i struja bu poskupela. Kad struja poskupi, poskupelo bu se. Nije se tak črno. Nejde se gore. Standard na primjer ide prema dole.