Pisal sam h prošloj kolumni kak se sprema veliko pospremanje podruma. To bu za sobom povljeklo velike količine smeča. Kao prvo ima puno starih kutija, novina i ostalog papira. Pa sam neki dan pogledal h kontejner za papir e ima mesta nutra. Normalno da nema. Još novine i slično strši van čez one rupe gde se gura unutra. Ne znam kam da hitim stare plastične gajbe. Zato znam kaj bum napravil s raznim drvenim smečem. Skuril. Znam i kaj bum napravil s raznim željezjem i neispravnom elektronikom. Počekal da dojdeju oni kaj se voziju s kamijončekom i kričiju na megafon: 'Željezo, željezo, staro željezo, veš mašine, televizore, frižidere odvozim!' Nisu oni jedini kaj kričiju. Sako malo čujem i ono: 'Krumpiiiiira, luka!' A več jako dugo nisam čul da hodi nešči i kriči: 'Škare i noževe brusim, kišobrane popravljam!' Uopče ne znam zakaj sam krenul nabrajati te kaj kričiju.

Opet su rekli da bu snijeg opal. A vani je sunce i toplo je. Tak da ne vidim iz čega bi snijeg opal. Niti mi ga ne treba. Jedino kaj imam od snijega je čiščenje istog. Bilo kak bilo proljeće je tu. Uz štreku sam dok idem na posel, ili s posla videl cica mace. Kao jedan od vjesnika proljeća. Znači da buju taki i visibabe potirale.

Rekla je precednica da nam bu bolje. Pa nije. Rekla je i da se bu počelo naveliko delati. Sigde se bu počelo delati osim h jednom kraju Hrvatske. Pogađate gde se ne bude nič delalo. H Zagorju. Po dobrom starom običaju si veliki projekti se delaju negde drugde. Država bi gradila kilometarne mostove, a tu pri nama se nemre popraviti 10 metarni. Delali bi superbrzu ravničarsku prugu do Rijeke s kilometernim tunelima i mostovima i nadvožnjacima, a tu se nemre popraviti 300 metri pruge između Zaboka i Trgovišća.

Nije da se po Zagorju nič ne dela. Dela se jako puno zgradi kojekakvih. Te stambeni objekti, te stambeno poslovni objekti, pa čak i poslovni objekti. I kad se naprave obljepiju se s natpisima 'Prodaje se stan', 'Iznajmljuje se poslovni prostor', 'Prodaje se' i tak obljepljene zgrade stoje prazne danima, mjesecima, godinama… A kad pitate nekoga e bi možda spustil cijenu niti čuti.

Bilo je na televiziji neki dan da su šalteri na poreznim upravama prazni i da nišči ne predaje poreznu prijavu. Ja bi ju več predal, ali nemrem. Fali mi jedan papir. Onaj na kojem piše kolko sam dobil penez i kolko je plačeno poreza. Takva dva različita trebam priložiti uz poraznu prijavu. Jedan mi treba dati država, to jest moje ministarstvo h kojem delam, a drugog dobijem od Zagorskog lista. Jednog imam, jedan fali. Pogodite koji. Normalno da fali onaj kojeg trebam od mile i drage nam državne uprave dobiti.