Ko malom dečecu bilo mi je bezveze kad su mi moji organizirali rođendane. Niti me je gdo pital kaj hoču, niti koga hoču na rođendanu. A još mi je gorše bilo kad sam za rođendan dobil gače ili čarape ili nekakaf školski pribor.

H nedelju je Patricija imela rođendan. Ali ga nije slavila. Žena i ja smo deli veto na proslavu. Jer ima neke na baš dobre ocjene h školi. Če ih popravi of tjedan onda bu mogla h subotu slaviti. Međutim neke stvari nemreš zabraniti. A to je dolazak deda i baka na rođendan. A za to su potrebne pripreme. Prvo se hiža mora blistati. A to je najboljoj od svih žena teško izvesti uz našega pesa. Iako za večinu stvari kaj pes napravi žena pokrivi mene i decu. A pes je taj teri se linja i ostavlja dlake sikud po hiži, isto tak sikud po hiži nosi hranu, ne pospravi nakon obeda tanjure h sudoper, ne počisti vece nakon sranja, ostavi pepeljaru punu čikova,…

No, to je sad manje bitno. Da se vrnem na temu. Kad znamo da bu nam nešči došel našu inače čistu i blistavu hižu treba još malo zglancati. Kak sam več pisal da je žena počela peči kolače, tak je odlučila speči i kolač za detetov rođendan. I to ne jedan nego dva. Na kraju su zišla tri, a h nedelju ih je bilo pet! Če ne razmete tu matematiku bum vam pojasnil. Žena je napravila šubare i onaj več spominjani muncchmallloww. Kak za šubarama ima dosta ostanjka onda se to zmješalo se skupa, dodalo malo kreme, dobro je h tu smesu deti i malo ruma i onda se s toga napraviju kuglice tere se uvaljaju h kokos i to je još jen kolač. To nije žena delala nego Sandra. I još su i moji i ženini donesli po jenu vrstu kolača kaj je sve skupa pet vrsti. I matematika štima.

Ljepo je kaj moja žena hoče peči kolače. Ali peče samo slatke. A ja imam šečer skoro 7. I nebi smel pune slatkoga. I kaj god da ja poduzmem nebu dobro. Če se bum prijel tih kolača i pojel kolko bi mogel pojesti vrlo lako se bi moglo dogoditi da mi nešči doma veli da pretjerujem. S druge strane če nem pojel niti jen kolač morti bu žena pomislila da ne valjaju pa ih več nebu pekla.

Deca več ne pišeju pisma Svetom Nikoli. Patriciji i Sandri se zamerilo prije dvije godine, a Gracia još ne zna pisati. Inače je Gracia napredno dete, ali pisati još ne zna. Prije dvije ljete su tak Patricija i Sandra napisale pisma Svetom Nikoli u kojem su nabrojale kojekakve nebuloze. Pa je Sveti Nikola njima otpisal da su bile zločeste i da neju dobile to kaj su napisale i štele nego da imaju biti sretne i s tim kaj su dobile. Prvo su pomislile da smo žena i ja napisali ta pisma, ali rukopis nije bil niti moj niti ženin. Niti nimalo poznat rukopis nije bil. A zakaj? Zato jer sam to dal na poslu da mi se napišeju ta pisma tak da deca ne skužiju rukopis.

Inače su moja deca jako skromna. Tak su se na listi želja za ove blagdane našle web kamera, gitara, novi mobitel,… Meni Sveti Nikola nije nič donesel. Onda su mi rekli da je to zato jer nisam del škorenj na okno. A kak bi del škorenj kad ga siromak nemam?