Veliju da mala djeca brzo rasteju. Kak svaki dan gledim svoju Graciu to i ne vidim. Jedino se to vidi h auto sjedalici. Je da je predviđena za djecu do godinu dana, ali je Gracii na knap. Pa sad moram kupiti veču. A izbor sjedalica je da ti pamet stane. Ima ih od 300 pa do prek 3000 kuna. H ove najjeftineše je sve strah čoveka da dene djete h njih. Zgledaju tak da se buju raspale čim pomisliš da bi h nju djete del. Sad moramo najti nekakvu kaj je sigurna za djete, ali da ne košta fest puno. Kaj ne da imam velike zahtjeve? Nema mi druge nego za plaču prejti i kupiti ju.

Kaj se Gracie još tiče počela je pripovedati ko ovi na televiziji kaj hočeju biti precednik. Graciu ne razmem zato kaj od cjele riječi veli samo dva slova, a ove ne razmem jer ni sami ne znaju kaj hočeju reči. Bitno mi je da se Gracia i mi pomalo kužimo i da saki dan ona priča se več i več, a mi se več i več toga razmemo. A i sila teže sve manje i manje djeluje na Graciu. Sama stoji bez da se za bilo kaj drži več dosta dugo. A i napravi se već i korak – dva. Jemput su bila i tri. Kaj sam ja videl. Najdraže joj je hoditi po našem bračnom krevetu. I onda kad več nemre stati na nogama samo se hiti na leđa. Samo kaj joj je trebalo neko vrijeme da skuži razliku između poda i kreveta. Jer kad to napravi na podu onda boli. Uz to saki dan nam mora pokazati da ima zube. Ali ne tak da se nasmije da ih mi moremo videti, nego nas hgrizne. I to po mogučnosti za nos, vuho, lice, ili nekam drugam, kaj joj prvo pod zub dojde. Ne samo da zna gristi nego zna i ščipati. A nije joj strano ni guranje prsta h nos. Pogotovo moj ili ženin.

Na posel i dalje hodim, zapraf ne hodim neg se peljam s cugom. A h cugu se sretne sikakvih ljudi sa sikakvim životnim pričama. I grdima i ljepima. Prošli tjedan sam čul jednu ljepu. Jedna pucka se h onom zadnjem cugu kaj ide iz Zagreba za Zabok pohvalila kak je dobila nagradu za najboljeg mladog modnog dizajnera na fešn viku (piši: fashion week). Za one teri ne znaju engleski to bi se prevelo ko tjedan mode. I zakaj se to onda ne zove tjedan mode? Zakaj moraju to zvati po engleski, a ne po hrvatski? Valjda je to kul (cool) i u trendu?

Ali ima i gorih stvari od toga. Bar meni zglediju gorše. A to je kad h nazivu nečega zmješaš engleski i hrvatski. Tak na željeznici vozi i nekoliko ICN vlakova. Kratica ICN vam znači Inter City Nagibni!! A kad opet malo bolje razmislim možda to i nije tak loše. Ipak mi radio bolje zvuči od krugovala, telefon od brzoglasa,…