Odbrojani su nam dani. Nema više pušenja h gostionama. Znači i gostionama su odbrojani dani. Ja baš i ne hodim po gostionama, ali kad prejdem prejdem na kavu ili ak mi je preveč kavi spijem nekaj maloga. Ali nemrem piti kavu ak si ne zapušim. Ne paše mi kava bez čika. Još bu sad po ljetu dobro kad si moreš na terasu sesti h gostioni i spiti kavu i spušiti cigaretu. I znam da to nije dobro. Da je štetno. I to ne samo za mene, neg i za one oko mene teri skupa z menu dišeju taj dim od cigarete.

I onda se država zmislila da je za mene dobro da ne pušim uz kavu h gostioni. I da ne pušim na poslu. I uz najbolje želje država je meni uskratila osnovno ljudsko pravo. Pravo na izbor. Zakaj ne bi smele postojati gostione h terima se smije pušiti i h terima delaju konobari teri pušiju. I onda da se takva stvar navede h oglasu za posel. Na primjer: Gostiona ta i ta išće konobara. Uvjeti: SSS ugostiteljskog smjera, pušač. Zakaj ne?

Zakaj se gazde gostioni ne bi mogli odlučiti e buju imeli gostionu za pušače ili za one druge. Trgovci se na primjer moreju odlučiti za to. Da biraju kaj buju i kome prodavali. Tak se trgovec more odlučiti e bu prodaval špeceraj, zdravu hranu, cipele ili avione. I normalno je da ak trebaš cipele neš išel h dučan s avionima. I obrnuto. Tak da je se to najobičnija diskriminacija prema nama pušačima.

Sve to je pokušal na televiziji Hebrang obraniti kak je taj zakon zapraf dobar. Jer štiti one teri ne pušiju. Da ne moraju pušiti skupa z menom če to nečeju. Dobro. Nek ih zakon štiti. Ali bi pital gdo štiti one ljude tam h Sisku tere inina rafinerija več ljetama truje? Ili one tam dole na moru kaj ih azbest hoče pojesti? Brijeg smeča na zagrebačkom smetnjaku je se veči i veči, a istini za volju i of tu h Zaboku je več počel rasti. Kaj to nije štetno? A takvih je primjera po lepoj našoj bezbroj. I za to nikoga nije briga.

I povrh svega još su nam po škatulama od cigaret počeli pisati kojekakve tekstove. Te „Pušenje ozbiljno šteti vama i drugima oko vas“, ili „Pušenje uzrokuje starenje kože“, ili „Pušenje uzrokuje začepljenje arterija i uzrokuje srčani i moždani udar“, ili kratko i jasno „Pušenje ubija“, pa ima i onih „Pušenje u trudnoći šteti razvoju djeteta“ itd… I dojdem ja neki dan na kiosk i pucka tam mi da one s natpisom „Pušenje ubija“. Mam zgubim volju za pušenjem. I pitam ja nju e ima morti one cigarete koje štete u trudnoći ili morti one tere izazivaju neplodnost. Pogledala je i veli mi da ima samo ove tere hbijaju.

I još mi nije jasno zakaj na konjaku ne piše onak veliko ko na cigaretama „Alkohol izaziva cirozu jetre“ ili nekaj slično.