Dočakali smo i taj dan da več ne moramo govoriti starost Gracie u mjesecima nego u godinama. H pondeljek je navršila godinu dana. Gracia je odma h jutro mogla skužiti razliku. Več ne delamo čokolino s aptamilom nego s mljekom. Nič se nije bunila. Znači da joj paše. Sam rođendan bumo proslavili za vikend.

Žena je odlučila speči tortu i to u obliku Fifi. To joj je omiljen crtani. Furt ga gledi. A če joj pustimo neki drugi nije dobro. Probali smo joj pustiti i Pocoya i Tomicu i Doru i neznam kaj sve ne, ali prolazi samo Fifi. Ove moje druge dvije ju vučiju da se veli fufi na ne fifi. Na kraju bu još ispalo da se crtani zove fufa.

H zadnje vrijeme dosta cendra kaj nije ni čudo jer joj je krenula cjela serija zubi rasti. A pripoveda več od Sandre. A mislil sam da to nije moguče. Zna ona več dosta toga reči, a najljepše veli „piti“. Kaj znači da hoče piti. I da ne nabrajam kaj sve zna reči. Niti nem napisal kak zna nazvati ženu jer bi se mogla rasrditi na mene.

Za doček smo ko i večina bili doma. Male sme gledeli televizora, odnosno držal sam daljinski h rukama i samo šaltal programe jer nigde nije bilo nič normalno za gledeti. Najbolj mi se dopal kanal Ri gde su imeli prijenos s riječkog korza gde je igral Bajaga. Na stol smo deli flašu crnog, flašu bjelog, flašu žestokog, vodu i kolu. Bilo je nekaj narezano pod 45 stupnjeva, malo kolača i kaj ti više treba? Da li od silnog pucanja ili od alarma bankinog i Gracia se zbudila prije pol noči. Onda smo h pol noč čez okno gledeli vatromet i Gracii se to jako dopalo.

Jedino kaj me fest nerviralo je taj alarm od banke. Pa sam si mislil e bi tu i tam h neko doba noči nazval direktora banke da ga zbudim. Če more njegov alarm mene buditi, zakaj ne bi ja njega? Ali kad bi ja njega nazval i zbudil bezveze po noči to bi bilo uznemiravanje, a to kaj njegov alarm mene budi je normalna stvar.

Mam iza novog ljeta je došlo do velike seobe naroda rvackog. Mahom u Evropsku uniju. Na skijanje. Sad si mislim e bi se ne pokazival h Zaboku do kraja tjedna i onda del nosače na krov od auta i sparkiral ga negde ispred neke birtije, da zgledi ko da sam došel sa skijanja. I deti lonec sarme h auto na par dana da se duha po sarmi zavlječe h auto. Kak bi došel sa skijanja če ti auto nema duhu po sarmi? Obavezno u društvu pustiš druge da prvi veliju gde su bili i kak im je bilo. Na taj dio treba jako paziti. Jer če se buš zaletel i rekel da si bil negde gde je bil nešči drugi onda ti priča mam opada h vodu.