Ko i za svaki Božić tak je bilo i za ovaj. Pak mi meso i kolači ideju van na vuha. Pak su h dučanima, ali i po cesti bile gužve kaj da se nekaj djeli zabadaf. Čak su i na televiziji bili isti filmovi ko i za saki Božić. I tak iz godine u godinu malo po malo gubi se ona prava čar Božića. Još uz to kakvo je bilo vrijeme nekak mi se činilo da drugi mesec pemo na more.

Za nekakvu promjenu se ipak pobrinul naš župnik. Ovo ljeto su jaslice napravili na samom ulazu h cirkvu. I mogu vam reči da jako ljepo zglediju. Međutim pojedincima je kultura ponašanja još uvijek na jako niskom nivou. Več po običaju na sam Božić na poldanjoj meši je blagoslov dece. Tak smo najbolja od svih žena i ja zeli Graciu i prešli na mešu. Došli smo malo raneše s nadom da si bi morti imali kam sesti, ali več je se bilo puno. I stanemo si mi između dva reda klupa skroz napred do kud se moglo normalno bez naguravanja dojti. Kam bi se išel gurat s malim detetom na rukama.

To kaj sam imel malo dete na rukama nije sprječavalo određene pojedince da se naguravaju makar su videli da imam malo dete na rukama. Ne, oni su morali iti napre. Tam gde je bila najbolj gužva. Kam se rjevlješ napre? Zakaj? Kakve ima veze e stojiš skroz napre ili otraga? Jedino kaj se oni teri su bolj napre več vidiju. Pa če je nešči na mešu došel samo zato da ga se vidi naj mu bu. I najbolji su mi oni teri zadnji dojdeju, hočeju biti h prvom redu i prvi van nakon meše prejti.

Bilo je i svijetlih primjera. Videl sam jednu gospođu kak se zdigla i prepustila svoje mesto jednoj majci s detetom na rukama. Kak se mojoj gospođi nišči nije zdigel i prepustil mesto da si sedne s detetom onda sam večinu vremena Graciu držal ja. I morem vam reči da njezinih malo prek 11 kil nije baš ugodno za držati na rukama skoro vuru vremena. Bilo je dobro dok si je malo pridrijemala jednu rundu. Ali kad se zbudila štela je se videti. Obračala se sim tam. Največ je gledela Isusa na križu kojemu je par put i mahnula, a zanimljiv joj je bil i dečec malo veči od nje kaj je imal lizaljku h rukama. Sad e je ona gledela dečeca ili lizaljku?

Pred nama je još jen produženi vikend. Šef nam se smiloval i dobili smo i subotu fraj. Tak da sam doma dva vikenda za redom po tri dana. To ne pamtim kad mi se zadnji put dogodilo.

Osim precedničkih izbora ljudi se največ još spominaju o dočeku. I skoro se kaj čujem veliju da buju doma bili. I ja bum bil doma. Bilo je riječi o nekakvom dočeku negde, ali to se spomenulo jemput i poslije o tome ni slova. Lani su žena i Gracia bile doma. Na dočeku su još bile u jednom komadu. Ja sam pratil Patriciju na trg, a Sandra je bila z Lucijom. I tak mi je bilo zima da ni par kuhanih vina nije pomoglo. A drugi tjedan je i Gracii rođendan. Baš bi mogel drugi tjedan deti popis kaj bi dete štelo za rođendan.