Čisto ne verujem da se zmislite e ste se kaj mala deca tak igrali sa svojima. Ali če imate malu decu onda znate kak se igra ku-ku. Znam da su neki mam po naslovu pomislili da bum kukal o nečemu. Uglavnom ku-ku je igra koju mala deca jako voliju. I moja Gracia isto tak. Obično se to znamo igrati hvečer prije spavanja na našem bračnom krevetu. Denem glavu pod poplun ili deku i velim „nema tate“ i onda porinem glavu van i velim „ku-ku“. Pa se ona nasmije. Onda i ona nekaj dene prek glave, ali ne veli ku-ku nego to ja moram reči. Ili žena.

Kaj se pak pripovedanja tiče se več i več riječi razmemo kaj ih Gracia veli. Spanje po noči nam baš i nejde. To jest ide če ju uspijemo uspavati. Dodatne probleme nam sad dela i zaštopani nos. Pa je najbolja od svih žena prešla ž njom k doktorici i veli da su sva mala deca kaj su bila tam h čekaonici imela zaštopane noseve. Ili drugim riječima nastupila je sezona zaštopanih noseva.

Da budem iskren i meni je nos zaštopan. To mi ponekad i dobro dojde. Da ne čujem kojekakve mirise. Naročito h cugu kad idem na posel ili s posla. Jedna ženska koristi jenu vrstu parfema, druga ima samo dezić, trejta nema nič, onom mužu se čuje konjak, of je mam za ranoga jel češnjak,… Se več i več me je strah peljati se s cugom. Samo vidim po televiziji i novinama da je sad eksplodirala lokomotiva, pa je cug zletel s štreke, pa na cugu nisu delale kočnice pa se zaletel prek kraja štreke,… Več sam pisal da se na jednom djelu štreke između Zaboka i Velikog Trgovišća cug pomalo pelja. Onda je za direktora tih naših štreka došel domaći čovek. Pa sam si mislil da se bu nekaj zmenilo. I zmenilo se. Taj komad štreke gde se pomalo peljalo se je još povečal. I to je jedino konstantno na željeznici. Sako malo se taj djel poveča. Još malo pa bum brže do Zagreba došel pešice neg s cugom.

Ovo vrijeme vani me več nervira. Opal je snjeg i prije nego kaj sam kupil nove sanjke deci se otopil. Veliju na televiziji da bu još snjega curelo. Valjda negde oko prvog maja.

I sad vidim na internetu kak su se pak sastali Kosorica i Pahor. I taj Slovenec ju je počel hofirati. Još je rekel da se vatru med njimi dva nemre zgasiti. Kak bi rekli se zapalil za nju. Ni čovek ni tak bedast. Valjda si misli da če bu tak malo po malo hofiral da bu mu na kraju i dala. E bu mu dala to na kaj ste si vi prostaki pomislili me nije briga. Samo kaj smo če bu mu dala se kaj hoče. Mislim na teritorij. Postoji i druga varijanta. Da ona njega zmota. I da dobi se kaj hoče. Jedino kaj ne znam e je taj Slovenec oženjen.