Prethodna kolumna
Slijedeća kolumna

Dnevnik tate Bena: Prazniki

Piše: Tomislav Benčić
Šesti mesec je baš dobar. H njemu ima čak tri praznika. I na svu sreču ljetes niti jen nije opal

Šesti mesec je baš dobar. H njemu ima čak tri praznika. I na svu sreču ljetes niti jen nije opal na vikend. A meni je još od lani ostalo 8 dana godišnjeg. Sad to treba, veli meni šef potrošiti do kraja 6. meseca. Tak i h zakonu piše. I kak god da računam, navlačim, preračunavam i tome slično, nikak nemrem spojiti sva tri praznika s vikendima. Sikak mi fali jen dan godišnjeg. Da sam pisal godišnji od Tijelova moral bi iti delat h petak 26., mam bi mi i subota bila radna. Onda sam si pisal godišnji od 15. tak da sam za 8 radnih dana sve skupa doma 14 dana. Odlična matematika. Bar za nas teri delamo h državne službe.

S druge strane mislim da se 6. mesec ne dopada trgovcima. Mislim na one teri delaju h dučanima. Za njih su nazad došle radne nedelje i radni prazniki. Jer je kao počela turistička sezona. Naročito pri meni tu h Zaboku. Imamo turizam da ti pamet stane.
Taman kad sam se navadil da dučani ne delaju h nedelju sad pak delaju. I kad se bum navadil na to da dučani delaju h nedelju onda buju pak prestali delati. Pa buju malo opet delali. Pa onda opet neju. Sad he nedelju niti nisam išel h dučan. Jer sam si se na vrijeme kupil. Trebal mi je same kruh. A tak i onak je njega doma najbolja od svih žena zamjesila i spekla. I naj se se te pekare skrijeju pred onim kaj je žena spekla. Samoga sam ga jel, jer mi je bil fini kak da nekakef kolač jem. I Gracia ga je milo gledela, ali ga nije dobila. Ona je dobila svoju kašicu. Mislim da je h nedelju krušku dobila. To joj se baš ne dopada. Zato smo mam h pondeljek zmenili kašicu. Od pondeljka je na rasporedu banana. To je žena na internetu našla kaj dete smije od kašica jesti s kolko meseci. I kad smije kaj drugo osim kašica početi jesti.

Malo sam ja to pogledal i nekak ne razmem od čega ta današnja mala deca rasteju. Na tom rasporedu nije bilo niti šniclina, niti krmenatlina, ni kotlovine, ni špeka, ni kobasi. Ja ne razmem kak se buju deca razvijala bez mesa. Razmem da dok nema zubi nemre zeti bocu h ruku i normalno ju pojesti. I zakaj ti razni proizvođači ne napraviju na primjer kašice «špek z lukom» ili «kotlovina», ili «zagrebački s pomfrijem», «naravni sa šampinjonima», «purica z mlincima»... Takve bi i ja jel, a ne same deca.

Kad sam več spomenul internet moram reči da h tim kompjuterima se več zaostajem. Ja se do nedugo nisam imel profil na fejsu. I sad kad sam si ga napravil veli meni žena da je fejs več slabo popularan, da ima i popularnijih tih stvari. Kad prije? A ja tek dva prijatelja imam na fejsu. Ženu i šogora.

Facebook