Sedim si pred kompjuterom i nikak se nemrem zmisliti o čemu bi denes pisal. Sve dok ženin pes nije počel lajati. A zakaj je počel lajati? Zato jer su i pesi od suseda počeli lajati. Mislite da su počeli lajati iz čista mira. E nisu. Počeli su lajati zato jer su zaprti h svojim dvoriščima i nemreju landrati kak bi šteli i onda su kao takvi zagledali pesa od jednog našeg suseda teri se slobodno špancira kak mu je volja. Ni prvi ni zadnji pes teri hodi kud i kak hoče. Ali ja živim h gradu. Zakaj je sad to bitno?

Zato jer postoje regule kojima je sve definirano. Tak na primjer nesmem doma napraviti štalu i kravu hraniti jer živim h centru grada. Ne samo kravu. Niti pajceke nesmem hraniti. Jer tak piše h pravilniku. Ali smijem imeti pesa. I to je definirano posebnim pravilnikom. Ali je definirano kak se pes smije peljati van z dvorišča. Piše da če pes ide z dvorišča van mora biti na lancu i imeti brnjicu na njuški. To se ljepo zgleda na papiru. Kaj da ja napravim če vidim nekakvog velikog pesa teri hodi po cesti i nije na lancu i nema brnjicu? Bi zval policiju? Morem to napraviti če hoču ispasti bedak.

Tak mi h našem gradu imamo pravilnik teri se nemre ispoštivati.

Ima takvih primjera još. Neki dan ženica i ja prejdemo malo van s Graciom. Kam peš s detetom nego malo do parka. A tam nema dece jer je to bilo negde hjutro. Samo nekakvi školarci. I njih jedno 5-6 se njiše na onoj njihaljki od špage. Kaj je inače napravljena za dvoje dece. Gracia baš i nije zainteresirana za tu njihaljku, nego ju več vrtuljak interesira. Pa ne moram tirati tu dečurliju proč. Ima tu i drugih stvari. Če je ta njihaljka predviđena za dvoje dece kak dugo bu zdržala pod teretom ovih klipana kaj se na nju natrpaju. I kaj bu bilo kad jemput to popusti i kad ta dečurlija scuri naklu? I potrga si ruke i noge. Gdo bu kriv? Si drugi samo ne ti klipani. Ostatak te dečurlije je sedel na klupicama okolo. I cugal. H pol 11 hjutro. Deca su si kupila črnjaka i kolu i delaju si bambuse. I pušiju. Gdo im je prodal vino? Gdo im je prodal cigaretljine?

To su samo neki primjeri kak se skoro nišči ne drži Zakona, Propisa i Pravilnika. I kaj je najgorše nišči ne kontrolira e se nešči toga drži i nišči onda niti ne kažnjava one teri se toga ne pridržavaju. A probajte sami to riješiti. Onda bu ruka zakona jako brza.