Nja, nja je prvo kaj razmem svoju najmlajšu. S početka nismo znali kaj to znači. A onda smo skužili da je to papica. Kak smo nad Graciom non stop, dok smo ju hranili išli njam, njam, tak je ona za papicu počela govoriti nja nja. Uz to ima i specifičan izraz lica kad je huda. A zubi nikak da zideju van. I kaže meni žena gde buju zbili zubi. „Poglej, viš tu buju zbili van.“. Ko da ja ne znam gde buju zubi zbili. Sigurno neju na vuhu.

Dok sam bil na godišnjem smo i krstili Graciu. Mislim nismo ju mi krstili neg veličasni. Sreča kaj je Gracia još mala pa se nije mogla igrati „Došla majka s kolodvora“ ispred oltara. Kak su se ove moje dvije stareše na svojim krstitkama igrale.

Nakon krstitki h cirkvi prešli smo kljeti jest i pit. Išli bi h nekakvu gostionu jest i pit kad bi se h gostionama smelo pušiti. Ali se nesme, pa smo zato prešli kljeti. Da nam nebu dosadno, zel sam laptop i h njega sam nasnimil mužike, a del sam i program za karaoke kaj sam ga s interneta skinul i nekaj pjesmi za karaoke, pa je moja draga plava šogorica (doduše sad se na črno pofarbala) imela solo koncert.

Opčenito kad delaš feštu sve je super. Osim zadnjeg djela. Kad treba se to počistiti. To se obično dela onda kad bi najbolj spal. Zato je najljepše prejti na feštu teru nešči drugi organizira. Dojdeš, ješ, piješ, zafrkavaš se i prejdeš doma spat. I nije za nič več briga. I moreš prigovarati koliko te je volja. Te da je roštilj presuhi, da je piva topla, da je mužika za ku…
Zato sam odlučil da več nem nikakve fešte delal. Mučiš se kaj konj da nekaj napraviš i furt se najde nešči teri bu prigovaral. A največ obično prigovaraju oni teri su najmanje fešti organizirali.

Došlo je ljeto i si planiraju kak peju na more. Išel bi ja s familijom, ali mi je nastala rupa h proračunu. Te je najstareša išla na maturalac, mlajša u školu u prirodi, pa krstitke, pa malanje hiže,… i jednostavno nema penez. Uvjek postoji i druga varijanta. A ta je hiža od bake na moru. Ali i tu postoje problemi. Neda ključ od hiže. Furt govori da ga bu dala, a nigdar ga neda. Zato se več ž nju niti ne spominam. Od lani. Kad mi je rekla da bu mi dala ključ da prejdemo žena, deca i ja samo na produženi vikend na more. Tam oko Velike Gospe smo šteli prejti samo na 5-6 dana. I veli meni baka kak bu mi dala ključ. I normalno da nije donesla ključ kak smo se dogovorili, nego tri dana kasnije. I čudi se zakaj se srdim na nju. Morti se jednog dana prestanem srditi na nju. Ali ne prije neg kaj bu rekla: „Evo unuče moje jedino, tebi ključ od kuće na moru pa uživaj sa ženom i djecom.“.

Kak znam da se to ne dogodilo za kupanje buju i toplice dobre. A če se morti nešči predomisli bum to na vrijeme napisal.