Prethodna kolumna
Slijedeća kolumna

Dnevnik tate Bena: Nikak na zelenu granu

Piše: Tomislav Benčić
Kak žena dela po cjele dane tak se ja i dalje borim s kučanskim aparatima raznim. Največu borbu i

Kak žena dela po cjele dane tak se ja i dalje borim s kučanskim aparatima raznim. Največu borbu imam z veš mašinom. Napisal sam prošli put kak mi je, dok je prala veš, sve manje komade potrpala h ono kaj se navlječe na poplun. Ostavila je žena jedne tenisice za oprati i veli mi kak njih treba h nekaj zamotati. I denem ja njih h jastučnicu. Meni za inat je veš mašina tenisice zvadila z jastučnice van. Sve naopak. Kaj ne treba porine h nekaj, a kad ja nekaj h nekaj denem onda to zvadi. I da se poslužim jednim starim narodnim izrazom, nikak na zelenu granu s tom veš mašinom.

Kad sam se več dotaknul tih narodnih izraza i izreka, mnoge mi nisu jasne. Zakaj se baš veli nikak na zelenu granu, če ti nekaj nejde? Zakaj na granu i još k tome zelenu? Od kojeg drijeva granu? I zakaj bi opče išel na granu? Jedino kaj mi se na grani more dogoditi je da ž nje opadnem ili da pukne pod menom. Kad sam več pri granama i na grani jasna mi je izreka da ne pili granu na teroj sediš. Jer buš opal. Če ju prepiliš na krivom kraju. Fest blesava izreka mi je ona gdo rano rani dvije sreče grabi. Rano se zdižem več ljetama, a sreče baš i nemam. Ili morti imam? Ovu noč (to mislim u odnosu na vrijeme kad pišem ovaj tekst, a ne u odnosu kad vi to čitate) se negde oko dvije vure Gracia zbudila i počela cendrati. Pa sam ja tak rano hjutro zgrabil jednu sreču svoju. Mislim na Graciu. Pa je prestala cendrati. E je prestala cendrati zato kaj sam ja došel do nje ili zato kaj sam joj h flašici donesel čokolino ne bi vam znal reči. Pa sam kad se Gracia primirila zgrabil još jednu sreču. Kad sam legel h krevet zgrabil sam ženu. Detalji buju ostali h spavačoj sobi.

Drugi tjedan su upisi h školu. Patricija je odlučila iti h grafičku. Za web dizajnera. Bila je več na provjerama likovnih sposobnosti i to je prešla. Sad po novom mora na prijavu i jen roditelj dojti s detetom. Jer su u školama pojednostavili sve i več ne treba nikakve papire nositi dete sa sobom nego samo svjedodžbe. Ostalo sama škola provjeri (ne škola ko zgrada, nego škola ko institucija) Za to roditelj deteta treba dati školi punomoć. Zato moram iti z detetom na prijave. Pa sam si za to moral godišnji zeti.

A Sandra je jen dan super, a drugi nemoguća. H nedelju je bila super. Ona i suseda Lucija su mi pomogle oko obeda. Njih dvije su panirale meso. Kak su one zgledale i na kaj je ličila kuhinja bolje da ne pišem. Štela je Sandra i pohati meso, ali čim je prvi put ulje skočilo je odustala.

H nedelju sam bil i na bregu. Išel sam vrt pogledati. Nisam išel sad ovih dana kak je dežđ curel i mam imam kaj za videti. Zapraf nemam nič za videti. Od drača nije ničega od posajenog videti. I več sam napravil plan kak to rješiti. Dogovoril sam svoju mamu i punicu kaj buju mi pomogle taj drač počupati i napraviti kaj još treba po vrtu. A Graciu buju čuvale Patricija i Sandra, odnosno buju pomogle h čuvanju najozbiljnijoj kandidatkinji za buduću šogoricu. A šogor nikak da napravi tu svadbu. Baš me interesira gde je on to videl da se dopelja ženska doma bez da si ju oženil.

Facebook