Moja draga ženica je prekinula roditeljski dopust. I ostavila me na milost i nemilost samog s tri pucke. Prije nekih 10 ljet sam s Patricijom i Sandrom mogel bez greške ziti na kraj. Tek sad vidim kak su to bila mirna deca. Dal sam im nekaj igrački i one su se ljepo igrale. Za to vrijeme sam mogel i ja nekaj napraviti po hiži ili oko nje. S Graciom to nije moguče. Kakvu god da dobi igračku interesantna joj je par minut. I onda opet sve po starom. To djete nemre biti pri miru. Furt je h pokretu. I grabi se baš za ono kaj nije za nju. Bar za sad. Najbolj zanimljivo je otpirati kuhinjske elemente i vaditi posudu ž njih van. Ili stiskati gumb pali gasi na čemu god stigne i do čega god more dojti.

I uglavnom uz nju je jako teško bilo kaj si napraviti po hiži. Za te kućanske poslove postoji par varijanti. Prva je da ju nešči pričuva. To je najpouzdanija metoda, ak imate nekoga gdo to more delati. Trenutno je u punom pogonu takozvani baka servis. Druga mogučnost je da dete denete h ograđeni prostor, poput kinderbeta i pustite joj neke crtane da ih gledi. Kod Gracie za sad prolaze Fifi, Dora, Tom i Jerry i Thomas lokomotiva. Ali to ne traje jako dugo. I još morete delati razne poslove po doma kad dete spi. Ali ni to nije baš neko dugo vrijeme.

Tak se ja po malo snalazim. I onda doživim čuda. Veš mašina me mrzi. Z onom starom sam si bil dobar i razmeli smo se. Ovu novu slabo razmem. To su po njoj neki kotačeki za okretati, gumbi za stiskati i par lampica kaj svjetiju. Zakaj sam napisal da me veš mašina mrzi? Zato jer je to tak. Veš mi skriva. Vadim ja veš van z mašine, a kad tam več od pol veša je mašina skrila h ono h kaj se poplun oblječe. Sad se nemrem zmisliti kak se to zove. Mislite da je to slučajno?

Niti pegla baš ne surađuje z menom. Peglam ja ž njom i peglam, a to kaj peglam nikak da se spegla. Kak z jednog kraja speglam tak mi se na drugom opet zgužva. A tek kaj mi sušilica dela. Namečem veš nutra i vidim da je ves veš naopak okrenut. A kad ga vadim van ima ga sikak. I naopak okrenutog i normalno okrenutog, a i na pol. Recimo jen rukav na košulji je naopak, a drugi ne. Zato je štrik za veš bolji od sušilice. Kak denem veš na njega tak ga i najdem.

Uz to nemam problema ni s kuhanjem. Kaj se i vidi na meni. Da mi kuhanje, ali i ono kaj ide poslije kuhanja dobro ide. Bolje rečeno išlo mi je. A sad več nemam apetita. Jer mi je muka. Muka mi je od ovog vremena. Još bolj mi je muka kad na televiziji čujem ili negde drugde vidim pametne savjete za ove vručine. Najbolji mi je najte iti van između 11 i 5 popoldan. A kak nem išel van? Če delam hjutro delam do 3. I kaj sam poslije 3? Bi ostal još dvije vure na poslu? S druge strane če delam popoldan moram več h 2 biti na poslu. Kak da dojdem h 2 vure na posel, a da nejdem van između 11 i 5?