Prošli tjedan su si teri su mogli spojili praznike s tri dana godišnjeg i gdo god je to mogel napraviti je bil doma punih devet (brojkom: 9) dana. Čist dobra računica. Mene teri si nisam nič z ničim spojil je se to zmotalo. To jen dan delam, pa sam jen dan doma. Pa dva dana delam, pa sam opet jen dan doma. Pa sam imel radnu subotu, pa neradnu nedelju. Več hjutro kad sam se zbudil nisam znal e trebam iti na posel ili ne. Još bolj me motalo kaj je žena saki dan išla delati. Pa me jen dan zmotala kad me pitala da kaj nejdem delat da je več 6 vur, a ja sam još h krevetu. Pa sam si počel gruntati. I več ni sam nisam znal teri je dan. E delam ili ne.

To s praznikima i blagdanima nije baš najbolje napravljeno. Evo sad h sedmom mesecu nema niti jednog praznika. Nema neradnih dana. H šestom mesecu su tri, h osmom dva, a sedmom niti jedan!!! Ko da se to nije moglo nekak drukčije rasporediti? A kak bu to tek druge godine?! 22. 6. Dan antifašističke borbe pada h srijedu. Tijelovo je 23. 6., četvrtak i Dan državnosti je h subotu. … Još da Dan državnosti nije h subotu kak bi to bilo dobro.

Nogometno prvenstvo je pri kraju, a ja još niti jednu utakmicu nisam cjelu pogledal. Če delam hjutro ona popodnevna utakmica počne dok još ne dojdem doma, a termin večernje utakmice se poklapa s terminom kad Graciu treba iti kupat i deti spat. A če joj se ne spi ili če je popoldan dugo spala, onda sam ž nju h to vrijeme vani negde. Kak je Gracia veča tak je veča i procedura oko pospremanja na spavanje. Prije ju je žena skupala, obljekla, dela h kinderbet, dala joj flašicu i to je bilo to. Sad kak ju ja mečem spat ta procedura je malo drukčija. Prvo kaj mi za kupanje treba duplit več nego ženi. Za samo pranje deteta mi ne treba nič več nego ženi, ali… Ali ja detetu dam nekakvu igračku kaj mi je pri miru h kadici, pa joj dam da pošprica i sebe i mene, pa i cjelu kupaonu. Nije baš da joj dam da to sve dela, ali niti ne poduzmem nič preveč da to spriječim. Pa ju zamotam h ručnik i odnesem h sobu.

Kak je Gracii ljepo kupati se, tak joj je ljepo i biti gola. Čim ju spustim na ženin i moj krevet mam počne skakati po njemu. I beži od mene. I neče da joj denem pelenu. Kad joj napokon denem pelenu i kad ju oblječem, prejdem do kuhinje napuniti flašicu s dječjom hranom teru neču spominjati da ih ne reklamiram zabadaf. Niti ne stignem deti mljeko grijati, a več je i Gracia u kuhinji. Ili me zgrabi za nogu ili počne kuhinjske elemente otpirati i vaditi ž njih van kaj god joj dojde pod ruku. Kad je flašica napokon spremna prejdemo opet h sobu. Flašicu je ipak ljepše prazniti uz crtič. Trenutno je aktualan „tu-tu“. Nete nigdar pogodili teri je to crtani. Riječ je o Tomici i prijateljima. Još je premala da bi rekla da hoče gledeti crtani o lokomotivama, pa tak veli tu-tu, kaj bi u prijevodu bilo ču-ču. Č joj još nejde u izgovoru.

I dalje imam internetskih problema. Pa sam nazval službu za korisnike. I muž kaj mi se hjavil mi je na kraju kad sam mu rekel da mi telefonske žice ideju sa stupa i nad zemljom, da nemam sreče i da bum imel problema se dok se ne povlječe optika. I da zmenim tu T-firmu opet mi se nebu nič popravilo jer bu opet išlo po tim istim žicama. Živjelo doba modernih i naprednih komunikacija.