Taman kad sam kolko-tolko zračunal kolko mi penez treba za prejti na more po ljetu računica mi je opala h vodu. Poskupela je cestarina na autocestama, a i trajekt je poskupel. Još morem i razmeti da je cestarina poskupela. Išel sam prošli tjedan na more i peljal se po autocesti.

Sad su uveli nove sadržaje po autocestama. Umjesto dosadne vožnje, znate ono stisni gas i vozi, ili vužgi tempomat (za one teri ne znaju kaj je tempomat - to vam je moderna verzija cigle na gasu), sad morete uživati u mnogobrojnim pogledima na bagere i druge radne strojeve, te vožnji slaloma između istih i brojnih rupa kaj su ih skopali. Se to treba platiti pa su kaj je i normalno zdigli cjene.

Ali na trajektima se ne nudi nič novoga. Vozi isti trajekt ko i lani, istom brzinom, i ko i sako ljeto treba ga čakati. Još su rekli da bu trajekt poskupel za 20 posto. Pa bu me sad za auto koštal 115 kuna, umjesto 95 kolko sad do sad plačal. I ta matematika mi nejde h glavu. 20 posto od 95 kuna je 19 kuna, a ne 20 za kolko je karta poskupela.

No, ipak nismo tak bedasti i znamo zakaj su se cjene zdigle baš zdaj. Si se nadaju masovnom dolasku turista. Pa je naša vlast skužila da h našim žepima več ničega nije i da nemreju ž njih več nič zvlječi, pa su odlučili da malo dublje porineju ruku h žep turistima. Sve u sklopu politike deri gde i koga stigneš.

Zadnjih dana je prilično aktualna rasprava o gay povorki h Splitu. Ja ni dan danas ne znam točno kaj ti gejevi točno hočeju i zakaj paradiraju. Nije da ne znam baš nič. Znam da bi se šteli ženiti. I decu moči posvojiti. Se se to zakonski more relativno brzo rješiti. Samo e jesmo mi na to spremni? Mislim da ne. Čak i da se tima dozvoli da se ženiju i da posvojiju decu kaj to nosi sa sobom? Naročito za tu decu.

Ne mislim pri tome da bi oni bili loši roditelji. Kaj bi bilo s tom decom u našem društvu? Znate valjda i sami kakva su deca. Če ih i nemate, negda ste bili deca. Deca su sklona zajebavati neko djete zbog miljon stvari. Zbog toga kak se oblači, kakef mobitel ima, e je debeo dete ili mršavo, ili če ima klempava vuha ili dugi nos ili ovakvu ili onakvu boju lasi. Nadalje to more biti razlog i u mužiki kakvu posluša, kakef auto mu starci voziju, kakve ocjene ima h školi i da ne nabrajam dalje.

I kak bi se u toj našoj okolini provelo dete s dvje mame ili dva tate? Ili h vrtiču i školi se znaju recimo za majčin dan delati čestitke. Kome bi dete s dva tate delalo čestitku? Ja imam tri kčeri. I kaj sam če mi koja umjesto dečka jednog dana doma dopelja pucu? I da se moreju ženiti. Kak bi ja tu pucu onda zval. Sneha ili zet?