Prethodna kolumna
Slijedeća kolumna

Dnevnik tate Bena: Lopovi!

Piše: Tomislav Benčić
Če ste mislili da bum pisal o dragoj nam vlasti malo ste se prešli. Je da su i oni lopovi svoje v

Če ste mislili da bum pisal o dragoj nam vlasti malo ste se prešli. Je da su i oni lopovi svoje vrste, ali na to smo se več navadili. Napisal bum par riječi o nekim drugim lopovima. Sitnim. Tere su morti oni veliki lopovi natirali da buju sitni lopovi.

Kaj se dogodilo? Neki dan su moji mama i tata prešli kljeti i kad su došli tam gore na brijegu h vrt imeli su kaj za videti. Nešči im se spukal se flance od zelja. Paradajz je ostal, paprika je ostala, ali zelja nema. Same su rupe ostale. Doživeli smo puno put da nam nešči pobere nekaj kad je to zrelo. Tak na primjer dojdeš jen dan kljeti i vidiš da h vrtu sega ima. Pa odlučiš drugi dan pri kljeti speči roštilj. I dojdeš drugi dan, doneseš meso, prejdeš h vrt pobrati malo paprike i paradajza, a kad ono… NEMA.

Of vikend je h Zaboku firma. Ili kak se to službeno zove sveta potvrda. I moja Patricija ide na firmu. Skoro sva deca več znaju kaj buju dobili od svojih kumova. H današnje vrijeme to več nisu baš male i jeftine stvari. To se kupuju biciklini, skuteri, mobiteli, laptopi i kaj ti ga ja znam kaj sve ne. A kriza je. Prije ohoho ljet kad sam ja išel na firmu od kuma sam dobil meni korisnu stvar. Jen dugi cajt sam ju koristil, a i dan danas to imam doma. I još furt dela ko i onda i morem ju normalno koristiti. I kad god to zagledam doma mam se zmislim na kuma.

Nisu tu samo pokloni. Treba i oprave kupiti. Tu se mi muški puno razlikujemo od ženskih. Ženske su tu fest jednostavne. One samo trebaju opravu teru još nisu imele na sebi i teru niti jedna druga nema. Zamislite da se dvije ženske pojaviju h istoj opravi.

Žena več nije normalna od te firme. Pripreme trajeju več par meseci. Te gdo bu kakve kolače spekel, kolko mesa treba speči, kolko treba vina, kolko vode, kolko soka,… pa nemaš doma dosta tanjuri i bešteka za tolko ljudi. Nebu puno ljudi. Uzvanike smo srezali na minimum minimuma. Samo najuža familija i kumi. I gotovo. Kriza je. Nema se.

Ja sam još furt na godišnjem. Počivam si. Uživam. Malo h vrtu, malo h trsju, malo po doma. To je najljepše. Kad prejdeš na godišnji da bi napravil ovo i ono. I kad ti si drugi splaniraju kaj bi na godišnjem mogel delati. Nema veze, zbavil bum ja i to. Došel bu kraju i moj godišnji, pa si bum mogel na poslu počivati. Tak bar veli večina vas za nas državne službenike. Da nič ne delamo i da samo sedimo bezveze tam.

Facebook