Doživel sam iznenađenja tam gde sam se najmanje nadal. Prvo me iznenadila telefonska firma. Početkom meseca mi je telefon prestal pokazivati gdo me zove. I ja nikak da nazovem službu za korisnike da to prijavim. I kad sam napokon nazval hjavil mi se nekakaf dečec i rekel da mi nemre on nič pomoči, ali da bu prijavil kvar. Nije prešlo ni pol vure kak sam zval, kad zvoni meni telefon i na displeju piše nekakef broj. Hjavim se a kad tam s druge strane veli meni čovek da zove s telefonske kompanije i da provjerava e sad vidim broj gdo me zove. Prvi put kad mi se to dogodilo su rješavali to mesec dana, a sad ni pol vure. Moram priznati da sam se iznenadil.

Iznenadile su me i željeznice. H nedelju hvečer se vračam od punice i vidim da je zaprt prijelaz prek pruge tam pri metalcu. Zamislite! Željeznice, ili gdo god več delaju h vrijeme kad nije puno prometa. I to h nedelju! Kaj i to nije iznenađenje?

Iznenadila me i kumica (od Patricije i Sandre krsna) prošlu subotu kad smo nakon Patricijine firme imeli doma mali, kak se to sad popularno veli domijenak. I dojde kumica sa zahoda s tekučim sapunom h ruki i kaže ženi da kak na onoj etiketi piše da je taj sapun dobar i za umivaonik oprati. Mogla je reči da joj je dosadno na zahodu, pa bi joj novine dal da ima kaj čitati. Ni to sramota. I ja čitam na zahodu. Najčešče raznu stručnu literaturu. Novine ili kataloge kaj se mečeju h novine ili ti ih narjevljeju h poštanski sanduček.

Več sam pisal kak je nešči mojima flance od zelja spukal z vrta. Kaj je zapraf skoro pa nič u odnosu kaj se se počelo po brjegu događati. Jednom susedu su pobrali mrežu za trsje kaj štiti od tuče. A drugome su žljebi bakrene pobrali. Meni se takve stvari nemreju dogoditi. Nemam mrežu h trsju, nemam bakrene žljebi na kljeti, a da vam po istini velim niti svoju kljet još nemam. Tata mi je dal trsje, ali kljet nije spominjal.

Jedino me Gracia ne iznenađuje. Zakaj? Zato jer sam kod nje na sve spreman. Znam da obavezno mora postiskati sve gumbe na svim dohvatljivim daljinskima i elektronskim uređajima. H kuhnji mora otprijeti se elemente i bar nekaj si zvaditi van. I ladice su fest interesantne. H njima se furt najde koječega. Tak je bilo do neki dan. Dok žena nije spraznila ladice. Ostala je puna samo najgornja do koje dete još nemre i još jena gde su samo krpe. I vidi dete mamu kak zeme kuhinjsku krpu i briše, pa onda i dete zvadi kuhinjsku krpu i briše kaj stigne. A ak nije nigde nič mokro, onda zeme flašicu z vodom i polije malo da se namoči. Uglavnom po cjeli dan skače i beži. I onda doktorica veli da ima malo preveč kil i da bi trebala biti aktivnija.