Do sad sam svašta doživel od svoje dece, ali ovu subotu sam doživel nekaj kaj još nisam nigdar. Dojdem doma, a hiža pospravljena. I ne samo to. Pita me Sandra e sam videl kaj h frižideru. Rekel sam joj da nisam ni otpiral frižider, pa da nisam niti mogel videti nutra. Onda mi ona pokaže kolač. A gdo ga je spekel?

Sandra i suseda s terom se furt igra Lucija. Našle su na internetu recept, pogledale kaj ima doma, a ono kaj nema prešle su kupiti. Spekle su biskvit, napravile kremu teru su del po biskvitu i po semu tome su naribale čokoladu i još ukrasile. I da za praf velim bil je fini.

Žena je prekinula porodiljni, to jest roditeljski dopust. Našla si je navodno bolji posel. Pa sad hodi na obuku h Zagreb. I to z autom. Pa da nejde sama idem ja ž njom do tam gde hodi. Na Lanište, tam mam poljek arene. I da nejdem h centar grada z autom ostavim ga tam sparkiranog i prejdem na autobus. To je bilo dost rano hjutro, a h blizini nije bilo nikakvog kioska, pa sam moral kupiti kartu h autobusu. Ta je 2 kune skuplješa. Taman kak sam došel na stanicu, evo autobusa. Zajdem ja nutra, zvadim peneze, dam šoferu, on meni da kartu i ostatak penez, ja uredno pospravim peneze, sfrčem kišobran, denem kartu h žep i sednem si. Kad smo došli do centra, prejdem z autobusa van, porinem ruku v žep i nekaj napipam. Kaj? Kartu za autobus. Koju uredno nisam precvikal. Sva sreča da ni kontrole bilo.

I of tjedan žena i ja idemo skup na posel. Samo kaj se več ne peljam z autobusom, nego ženu ostavim tam pri dučanu i prejdem z autom na posel. Kak dojdem prvi ima mesta h dvorišču kolko hoču. Zakaj dojdem prvi? Zato jer žena dela od 6, a ja od 7. Nju prije 6 ostavim i do centra mi treba niti 10 minut. Najkasnije u 6 i 10 sam na poslu. Neki bi rekli kak je to ljepo kad muž i žena skup na posel ideju. Nemrem ja nič reči protiv toga. Ljepo je meni voziti se s ženom. Samo kaj se od kad je počela delati zdižem vuru, do vuru i pol raneše nego inače kad idem delati hjutro. A i nekaj sam se šefu zameril jer več trejti tjedan za redom delam hjutro. A tak bi rad bil h krevetu bar do 7.

Naša Gracia je jako pametno dete. Sednemo si neki dan žena i ja h gostionu na kavu, h Začretju h autletu i pustimo Graciu da hodi tam okol. I kaj se nije dete zapičilo h dučan. Prejde žena po nju i pusti ju vani naj hodi. I hodi mala sim tam okolo naokolo i pak h dučan. Onaj isti. I tak nekoliko puta. Furt h isti dučan. I to ne tam gde se prodaje za oblječi, ili h dučan s cipelama, nego je Gracia uporno hodila h knjižaru! Pa smo joj na kraju kupili knjigu. I bila je oduševljena. Knjiga je o pesu. I ima ono za stisnuti pa kad stisneš onda to ispušta neke zvukove.